[A:569]pa'i tshe sgrub zhag bdun ma'i yi ge'i lung yang thos so/ /!/ 'phags pa'i yul gyi ma hA paNDi ta A tsArYa dmar pos rje btsun sa skya pa chen po la gnang ba'i rdo rje nam mkha' lding gser mig 'khyil ba 'byung po 'ur 'ded ces shin tu thugs gtsigs che ba'i zab chos kyi skor la/ yig rnying gi dgongs pa bzhin du mkhas grub sangs rgyas phun tshogs kyis mdzad pa'i khyung nag gser mig 'khyil ba'i sgrub thabs rjes gnang gi yi ge'i steng nas legs par nos nas/ gdams pa shar sbu chu ba dpal ldan grags kyis mdzad pa'i lo rgyus/ bsnyen pa/ sgrub pa/ las sbyor gyi nang gses khyad par gyi las sbyor ser ba dang char gcod pa/ mid 'byar 'chos pa/ dug bsrung ba/ dug 'bred pa/ sri'u gso ba/ gdon bgegs bskrad pa/ smyo ba 'dul ba/ bcud len/ mdze gso ba/ spyi 'gro'i las sbyor dang bcas pa legs par thos pa'i brgyud pa ni/ rdo rje 'chang / bla ma A tsArYa dmar po/
gsang ba shes rab kyang zer/ bod du lan gsum byon pa'i dang po khri srong lde'u btsan gyi dus/ bar pa bstan pa phyi dar gyi 'gorjes ma sa chen dang mjal ba ste sku tshe'i rig 'dzin brnyes pa dmag zor ma'i bla brgyud na yod pa de dang gcig go/
rje btsun sa skya pa chen po/ slob dpon bsod nams rtse mo/ rje btsun grags pa rgyal mtshan/ rong mi grags pa dpal/ rong mi lba ba can sangs rgyas dpal/ rong mi dar ma grags/ rong mi sangs rgyas rgyal mtshan/ rong mi bsod nams rgyal mtshan/ shar sbu chu ba dpal ldan grags/ grags pa dpal mgon/ jo stan khrom yon nam mkha' lhun