[A:63]pa la ni bslab sbyang mi 'os pa 'ga' yang med cing thams cad mkhyen pa'i go 'phang sgrub pa la dgos pa shin tu che mod/ de skad smra ba po des rang mtshang gzhan la ngom par zad do/ /ci'i phyir snyam na/ des ni dge sbyor sna re bsgrubs kyang thams cad mkhyen pa'i lam du 'gyur ba lta zhogaphan pa shin tu chung ba'i gyi na nyid du mngon te/ nges 'byung gi bsam pas gtan nas ma zin pa'i phyir ro/ /der gnod byed gzhan yang blun po dang zog po phal cher bslab sbyong dgos pa la ngo tsha bar byed cing / mkhas pa rnams ni bslab sbyangs ma byas pa la ngo tsha bar 'dzin pas kyang nang rtags phyi rol du ngom pa mngon te/ 'jam dbyangs sa skya paNDi tas/ blun po slob par ngo tsha 'dzin/ /mkhas rnams ma bslabs ngo tshar 'dzin/ /des na mkhas rnams rgas gyur kyang / /phyi ma'i don du rig pa bslab/ /ces dang / skye ba snga mar ma bslabs pa/ /tshe 'dir blun par mthong nas ni/ /phyi mar blun por skyes dogs nas/ /tshe 'dir dka' yang 'bad de mnyan/ /sgom na thos pa mi dgos zhes/ /blun po blo rgya chung ngur smra/ /thos pa med pa'i bsgom pa tsam/ /'bad kyang dud 'gro'i sgrub thabs yin/ /zhes sogs gsungs pa'i phyir ro/ /des na legs par bshad pa ni byis pa'i ngag la 'dug kyang gus pas mnyan pa dgos ched khyad par can du shes par bya'o/ /gnyis pa brgyud ldan gyi slob dpon bsten tshul la gsum/ slob dpon bsten pa'i dgos pa/ bstan bya'i slob dpon/ de bsten pa'i tshul lo/ /dang po la gnyis/ byis pa blo ldan du gzhug pa'i slob