[A:64]dpon dang / blo ldan bstan pa la gzhug pa'i slob dpon no/ /dang po ni/ byis pa las dang po pa blo dang ldan pa'i go sar bkri bar byed pa'i thabs ni yon tan thams cad kyi gzhir gyur pa yi ge'i klog la shin tu byang chub par byed dgos na'ang / de ni slob dpon gyi ngag la ma ltos par rang stobs kyis mkhas par mi 'gyur te/ 'jam dbyangs sa skya paNDi tas/ byis pa 'jug sgo'i 'grel par/ byis pa blo gsal ba dag gis slob dpon gyi thad du phyin la me tog phul te tshig 'di skad kyis gsol ba gdab bo/ /mkhan po gson cigayon tan kun gyi gzhir gyur cing / /gsal zhing rdzogs par rab phye la/ /tshul bzhin brjod na don 'gyur ba'i/ /klog gi cho ga bdag zhu'o/ /zhes brjod/ des kyang 'di skad du/ bu gang zhig shes na don 'gyur zhing / /mkhas par gyur na ngo mtshar che/ /nga yis ji ltar bstan pa bzhin/ /bsgrub par 'dod na rjes su gzung / /zhes gsal zhing zur phyin par tshig smra'o/ /des kyang de bzhin bgyi'o zhes brjod do/ /mkhan pos kyang de ltar legs so zhes smras nas rjes su gzung ba'i tshul sogs rgyas par gsungs pa'i phyir ro/ /de ltar dgos pa'ang rje btsun bsod nams rtse mos/ gang gis yi ge'i bye brag dang / /dbye bsdu 'byung gnas mi shes par/ /sgra klog brjod par mkhas ma yin/ /don yang rnam par 'khrul par 'gyur/ /zhes yi ge'i bye brag dang / dbye bsdu dang / sgra'i 'byin thabs rnams ma 'khrul zhing zur phyin pa legs par shes dgos so zhes gsungs mod kyi/ de dag slob dpon mkhas pa zhig med par rang dgar