[A:634]bzung ba ltar snang yang don la gzhung rtsa ba 'dren pa 'thad par bzhed/ de yang tshad ma bzhi dang sbyor tshul ni/ /bla ma tshad ma rgya bod rnam thar gnyis/ /nyams myong tshad ma khrid kyi gzhung shing bzhi/ /rtogs bskyed chos lnga ge gas sel yi ge bzhi/ /dbang dang dam tshig gsum gsum lta ba'i gcig / bskyed rim lnga dang yum gyi byin rlabs dang / /gzhung shing dang po sbyar ba'i chos bcu gsum/ /'bring bsdus lam gnyis lam zab bla ma dang / /nyi shu rtsa dgu nyams myong tshad ma'i skor/ /gnyags ma gsal byed nyer gnyis don bsdus ma/ /nyi shu rtsa bzhi bstan bcos tshad ma'i skor/ /lung gi tshad ma lung sbyor rnam bzhi ste/ /man ngag phra mos kun la phan 'dogs byed/ /gzhung shing rgyas par sbyar bya'i chos bcu gsum/ /'phros te gsungs pa'i chos sna bcu bdun las/ /gegs sel gdams ngag bzhi spang bcu gsum mo/ /zhes pa ltar tshigs su bcad pas mdor bstan nas/ de dag so sor phral te bstan pa ni/ gsung ngag rin po che lam 'bras bu dang bcas pa'i glegs bam gyi dkar chag rje btsun
'di glegs bam gyi dbur bzhugs kyang chos sna drug cur mi gtogs so/ /
chen pos dpal sa skya'i gtsug lag khang du mdzad pa/ gsung ngag rin po che'i rtsa ba rdo rje'i tshig rkang / 'di rje btsun chen po'i glegs bam dkar chag na mi gsal bar brten rjes 'brang mang po zhig glegs bam gyi grangs su mi 'dren pa ni 'khrul par bzhed do/ /
gzhung chung yid bzhin gyi nor bu rin po che/ dge ba'i bshes gnyen gnyags bzhi rab pa dbang phyug rgyal mtshan gyis zhus pa'i ngor dpal ldan sa skya pa chen pos mdzad pa'i rnam 'grel gnyags