[A:642]'bras kyi yi ge'i skor la/ ring brgyud kyi skor tshad ma bzhi dang sbyar te bshad pa dang / nye brgyud kyi skor tshad ma bzhi dang sbyar te shes par bya ba la/ dang po ni/ bla ma tshad ma brgyud 'debs kha skong dang / /sa bir mjal tshul nyams myong tshad ma ni/ /zhu lan spyan dang aShTa'i bzlas lung bshad/ /bdud rtsi dbang dbye rga gdams maNDal gsum/ /lus sbyong lus gnad bdag med gtum mo gnyis/ /gegs sel dgu dang phrin las sdom bcas dang / /dbang bzhi ngo sprod rtsa 'grel lung sbyin dang / /gsang ba bcu yi rgyas gdab rnams yin no/ /gnad chen rten 'brel lnga dang lcags kyu dang / /phyag chen 'khor bzhi'i rgya dang tshogs sbyor lam/ /lam bsdus bshad pa bstan bcos tshad ma'i skor/ /lung gi tshad ma lung sbyor gsal byed de/ /dgon pa ba las brgyud pa'i rnam grangs so/ /gnyis pa ni/ lam zab rin 'byung bir srung byin rlabs skor/ /birWas sa chen dngos la brgyud pa'o/ /brda don gsal ba rtsa 'grel dang bcas pa/ /tshad ma sbyar tshul bsgres te shes par bya/ /zhes gsungs pa ltar/ de rnams kyi kha skong rje yab sras kyis mdzad pa la/ rje btsun 'gro kun dga' mdzad bcu phrag gcig / dkon mchog mkhyen pa'i gter chen rnam grangs brgyad/ /ces sdom gyis bsdus pa'i chos kyi rnam grangs so sor gsal bar 'god pa 'di lta ste/ rgyal tshab kun dga' dbang phyug gis mdzad pa'i dkar chag rin po che'i phreng ba/ bla ma tshad ma'i skabs su/ rje btsun rin po che grags pas mdzad pa'i bla ma brgyud pa'i gsol 'debs bla ma rdor 'dzin ma
phra mo na'ang