[A:66]yin pa'i yi ge bstan bcos bskor ba'i yi ge rtsis bskor ba'i yi ge 'degs pa bskor ba'i yi ge rkang pas bris pa'i yi ge tshig phyi ma gnyis grub pa'i yi ge ji srid tshig phyi ma bcu grub pa'i yi ge bar ma sgrub pa'i yi ge sgra thams cad kun du sdud pa'i yi ge rig pa dang rjes su mthun pa'i yi ge rnam par bsres pa'i yi ge drang srong dka' thub kyis gdungs pa'i yi ge gsal ba'i yi ge sa rab tu lta ba'i yi ge sman thams cad kyi rgyu mthun pa'i yi ge snying po thams cad kun bsdus pa'i yi ge ste yi ge drug cu rtsa bzhir gsungs pa de dag tshang ba bod du ma byung yang da ltar dar srol yod pa tshangs pa'i yi ge lAnytsa na dang / de dang cha mthun pa dha ri ka'i yi ge de'i mgo gyen du bzed pa na ga ra'i yi ge mi 'dra ba rnams dang / de'i mgo thur du bkug pa klu'i yi ge wartu la dang / 'dra min shes che ba kasmi ra'i yig rigs mi 'dra ba gsum tsam dang / gzhan yang gau Da'i yi ge dang / gha hu ra'i yi ge dang / sindhU'i yi ge dang / go la'i yi ge dang / ma ga dha'i yi ge dang / ka ma ta dang / pukkaM dang / rgya mtsho mtha'i yi ge dang / sindha ka ra srin po'i yi ge rnams 'dri klog gi srol mchis pa ste/ de rnams la dbyangs yig bcu drug gsal byed la ka la sogs pa'i sde pa lnga/ mthar gnas bzhi dang dro ba bzhi dang kSha yig ste sum cu rtsa bzhi'o/ /gzhan yang rgya dang hor gyi yi ge dang / bod kyi yi ge la slob dpon thu mi sambho Tas mdzad pa'i gzhung sum cu pa las/ A li gsal byed i sogs bzhi/ /kA li sum cu tham pa'o/ /zhes dang / sa paN gyis yi