[A:67]ge'i sbyor ba las kyang de dang mthun par gsungs pas dbyangs yig la i u e o bzhi dang / gsal byed la ka la sogs pa sum cur bzhed la/ slob dpon bsod nams rtse mos ka nas ha'i bar gyi nyer dgu ni pha'i yi ge dang / a yig ni ma'i yi ge ste pha ma sum cu zhes bzhed do/ /gsum pa byed pa ni/ thu mi sambho Tas/ bslab pa kun gyi gzhi 'dzin cing / /rig byed smra ba rnams kyi rgyu/ /ming tshig brjod pa kun gyi gzhi/ /yi ge'i sbyor ba bshad par bya/ /zhes tshul khrims la sogs pa'i bslab pa kun gyi gzhi'ang yi ge la rag las pa dang / nges brjod la sogs pa'i rig byed rnams dang / sgra dang tshad ma la sogs pa rig pa'i gnas lnga yan lag dang bcas pa smra ba'i rgyu yang yi ge yin pa dang / ming dang tshig tu brjod pa kun gyi gzhi yang yi ge yin pas yi ge'i byed las zhes bya ba'o/ /bzhi pa ni/ yi ge'i skad dod la a kSha ra zhes pa mi 'gyur ba'i don to/ /yul tha dad pa'i skad la 'gyur ba yod kyang dbyangs dang gsal byed mi 'gyur ba'i phyir/ byanydza na zhes pa gsal byed de ming tshig brjod pa gsal bar byed pa'i phyir/ warNaN zhes pa nus pa dang ldan pa ste/ rjod par byed pa'i nus pa dang ldan pa'i phyir/ de'ang ji skad du/ mi 'gyur ba dang gsal byed dang / /rjod par byed pa'i nus ldan phyir/ /yi ge zhes ni brjod pa yin/ /zhes gsungs pas so/ /lnga pa dbye bsdu la/ ka lA pa las bcu bzhi rnams dbyangs so zhes dang / ka la sogs pa rnams gsal byed do zhes dbyangs rnams bcu bzhi dang gsal byed sum