[A:68]cu rtsa bdun rnams yin no/ /dbyangs yig kyang bsdu na/ mtshungs pa dang mtshungs pa ma yin pa dang / nA min dang nA min ma yin pa gnyis sam/ mtshams sbyor gyi yi ge dang mtshams sbyor gyi yi ge ma yin pa gnyis rnams su 'du'o/ /gsal byed la'ang sde pa yin min gnyis/ sgra ldan sgra med gnyis su 'du'o/ /tsandra pa las kyang / a i uN/ r-i l-ika?e o/ ai autsa?/ ha ya wa ra la Na/ nya ma da Na nama?/ dznya bha nya?/ gha Dha dha Sha?/ dza ba ga Da da sha?kha ba tsha Tha tha tsa Ta taba?/ ka pa ya?/ sha Sha sara?/ hala?/ zhes pa'o/ /de dag gi ngos 'dzin ni/ dharmma dA pas/ gcig las gyur pa Na nga nya ba rnams/ /gnyis las Na Sha bzhi las ka tsa dag/ lnga las ra sha ma ya rnams shes bya/ /drug las la ni bsgrub par bya ba yin/ /zhes gsungs pa'i bar gyi yi ge rnams go bar bya ba'i ched du'o/ /de'i dbye ba la a a u r-i bzhi la thung ngu ring po shin tu ring po ste gsum gsum/ de dag re re la'ang tsandra go mis yi ge'i mdo las/ mthon po rnams kyis u dAtta/ /dma' bas a nu dAtta'o/ /de dag bar ma swa ri ta'o/ /zhes skad gdangs mtho dma' bar ma gsum gsum ste sum cu so drug de rnams la sna ldan dang sna med so drug re ste bsdoms pas bdun cu rtsa gnyis/ mtshams sbyor yi ge bzhi la thung ba med pas ring po dang shin tu ring po gnyis/ l-i la ring po med pas thung ngu dang shin tu ring po gnyis/ de dag lnga po re re la'ang skad gdangs mtho dman bar ma gsum gsum du phye bas sum cu/ de rnams la sna ldan dang sna med sum cu re bsdoms pas drug cu ste/ gong