[A:72]nor/ /slob dpon med pa'i rig pa rnams/ /yod kyang gzhan gyis brtsi ba med/ /ces dang / rgyu 'bras bslu ba med pa 'di/ /thams cad mkhyen pa'i khyad chos yin/ /ma bslabs pa la kun mkhyen du/ /'gro na rgyu 'bras ga la bden/ /zhes gsungs pa'i phyir ro/ /des na legs par 'dod pa'i blo gros can rnams kyis gzhi lam 'bras bu'i gnas skabs thams cad du bla ma dge ba'i bshes gnyen bsten pa ni legs pa'i yon tan thams cad rim gyis 'phel ba'i gzhi yin par shes pa'i ched du/ bshes spring las/ dge ba'i bshes gnyen bsten pa tshangs par spyod/ /yongs su rdzogs par thub pas gsungs de'i phyir/ /skyes bu dam pa bsten bgyi rgyal ba la/ /brten nas rab tu mang pos zhi ba thob/ /ces dang / shes phyin sdud pa las/ bla ma mkhas pa rnams la rtag tu bsten par bya/ /ci phyir zhe na mkhas pa'i yon tan de las 'byung / /zhes gsungs pa'i phyir ro/ /gnyis pa la gnyis/ dge ba'i bshes sam bla ma'am slob dpon zhes bya ba ste de'i mtshan nyid dang / sgra don gnyis las/ dang po ni/ mdo sde rgyan las/ bshes gnyen dul ba zhi ba nyer zhi ba/ /yon tan lhag pa brtson bcas lung gis phyug / de nyid rab tu rtogs la smra mkhas ldan/ /brtse ba'i bdag nyid skyo ba spangs la brten/ /zhes rang bzhin gyis rgyud 'jam pas zhi ba/ bslab pa gsum gyis rgyud legs par sbyangs pas nye bar zhi ba/ mang du thos pa'i lung gi yon tan dang / de kho na nyid rtogs pa'i yon tan dang ldan pa/ dam pa'i chos dang sems can gyi don sgrub pa la gus