[A:73]sbyor dang rtag sbyor gyi brtson 'grus dang ldan pa/ lung don rigs pas 'byed par nus pa'i rnam par dpyod pa dang ldan pa/ bshad bya'i chos kyi tshul de gdul bya'i blo dang 'tsham par go bde zhing rna bar snyan par smra mkhas pa/ rnyed bkur sogs la ma ltos par sems can rnams la snying brtse ba'i sgo nas tshul bzhin du smra ba'i bdag nyid can de lta bu'i bla ma dam pa de nyid skyo ba med pas bsten par bya ste yon tan thams cad kyi 'byung gnas yin pa'i phyir ro/ /gnyis pa ni dam pa'i chos 'dul ba las rab tu 'byin par byed pa la mkhan po zhes bya ste/ de'ang nyer bsgyur u pa dang a dhi sngon ma'i ing klog pa'i dbyings la gha nya'i rkyen byin pas u pa dhya ya zhes pa mkhan po ste/ bslab pa rnams nye bar klog pa'am nye bar lung 'bogs pas sam klog tu 'jug pa'i phyir de skad ces bya'o/ /yang na ka lyA Na mi tra zhes pa dge ba'i bshes gnyen te dge ba la spyod pa'i grogs skyes bu dam pa yin pa'i phyir/ yang na nyer bsgyur Ang sngon ma'i tsar 'gro ba'i dbyings la ghyaN rkyen byin pas/ A tsArYAHzhes pa slob dpon te/ slob ma la kun du spyod pa rnams ston pa'i phyir/ yang na gu ru zhes pa gong ma dang bla ma dang lci ba dang mchog rnams la 'jug ste rang gi gong ma'am bla ma'i mchog tu bkur bar 'os pa'i yul yin pa'i phyir ro/ /gsum pa la gnyis/ bsam pa'i sgo nas bsten pa dang / sbyor ba'i sgo nas bsten pa'i tshul lo/ /dang po ni/ thos bsam don du gnyer ba'i slob ma ni dad pa dang ldan pa zhig ste/ de med na seng ge'i 'o ma snod phal par mi chags pa