[A:78]par blta/ longs spyod don yod pa'i phyir bdog pa thams cad kyi phud nas mchod pa'i yod byad dang maNDal du byas nas 'bul ba la sogs pa'i sgo nas bla ma mnyes par bya ste/ de mnyes pas dus gsum gyi sangs rgyas thams cad mnyes par byas par 'gro ba'ang / rdo rje snying po rgyan gyi rgyud las/ de bas thabs ni thams cad du/ /rdo rje 'dzin pa bla ma mchog / rjes su mthun pas mnyes par bya/ /de mnyes sangs rgyas thams cad mnyes/ /zhes dang / sdom pa 'byung ba las/ mchod pa thams cad yongs spangs te/ /bla ma mchod pa yang dag brtsam/ /de mnyes pas ni kun mkhyen pa'i/ /ye shes mchog ni thob par 'gyur/ /bla med mdzad pa'i slob dpon ni/ /rdo rje sems dpa' rab mchod na/ /de yis bsod nams ma byas shing / /dka' thub ma bsten ci zhig yod/ /ces gsungs pa'i phyir ro/ /de lta bu'i tshul gyis bla ma mnyes pa'i zhal las chos nyan pa sogs kyi tshe/ chos kyi tshig don la yid mi gtod pa dang / dran shes kyis mi 'dzin pa dang / nga rgyal la sogs pa snod kyi skyon thams cad spangs nas gus pa'i ri mor bcas pas mnyan dgos te/ skyes pa'i rabs las/ rab tu dma' ba'i stan la 'dug / dul ba'i dpal ni skyed par byed/ /dga' dang ldan pa'i mig gis blta/ /tshig gi bdud rtsi 'thung ba bzhin/ /rab tu dang la dri med blos/ /nad pas sman pa'i ngag nyan bzhin/ /ri mor byas te chos nyon cig/ ces gsungs pas kun spyod dang gzhan phan byang chub kyi sems dang ldan pas bstan pa'i rgyun la phan par dgongs pa rnams kyis legs