[A:86]phab ste bstan bcos chen po brgyad mdzad pa'i nang tshan sum cu pa dang rtags kyi 'jug pa gnyis kyi 'grel pa thams cad mkhyen pa chos skyong bzang pos mdzad pa'i steng nas legs par nos pa'i brgyud pa ni/ bram ze li byin/ thu mi sambho Ta nas rim par/ thams cad mkhyen pa chos skyong bzang po/ skyogs ston karma lo tsA ba rin chen bkra shis blo gros ngo mtshar bye ba'i gter mdzod/ dpal khang lo tsA ba dbyangs can snyems pa'i sde/ sgang ra lo tsA ba 'od zer rgyal mtshan/ paNDi ta chen po smon 'gro tshe dbang don grub/ de sras 'jam dbyangs dbang rgyal rdo rje nas rim par se ra theg chen gling gi rab 'byams pa bkra shis rgyal mtshan/ des bdag bande tshul khrims rin chen la'o/ /yang na lo chen chos skyong bzang po nas rim par/ tshe bhrU~M pa karma 'chi med thub bstan rab gsal/ des bdag la'o/ /!/ /gnyis pa ni/ sa skya paNDi tas/ gzhan las gzhan dag rnam bshad pa/ /'di yi nang du 'dus zhes bshad/ /ces gsungs pas rig pa'i gnas lnga'i nang du rig gnas gzhan thams cad 'dus pa'i lugs la ni/ zhar byung sgra'i yan lag tu 'gyur zhing / rig pa'i gnas chung ba lnga zhes so sor bgrang ba'i lugs la ni/ sgra shes na don la mi rmongs pas rjod byed kun gyi gzhir bzung nas/ de'i steng du sdeb sbyor shes na tshigs bcad la mi rmongs/ mngon brjod shes na ming la mi rmongs/ snyan ngag shes na tshig rgyan la mi rmongs/ zlos gar shes na skad rigs la mi rmongs/ zhes dpang lo/ snar thang saM gha shrI/ rin spungs sa spyod sogs mkhas pa 'ga' zhig