[A:87]sgra lan gnyis su bgrangs pa'i lngar 'dod pa dang / stag tshang lo tsA bas/ skar rtsis snyan ngag sdeb sbyor dang / /mngon brjod zlos gar 'di lnga la/ /rig gnas lnga zhes 'phags yul na/ /grags pa'i ba dan rlung ltar sgrog/ ces sgra mi bgrangs par dus 'khor gyi rtsis dang dbyangs 'char gyi rtsis rig gcig tu bgrangs pa'i chung ba lnga zhes pa'i tha snyad mdzad mod/ don la 'gal bar mi sems te/ nges par che chung gi tha snyad de ltar dgos pa'i grub mtha' 'cha' na gong gi mdo sde rgyan gyi lung de la yang ma khyab pa'i skyon yod par thal/ der sdeb sbyor dang snyan ngag la sogs pa gzhan lnga po rgyal ba'i sras kyis bslab byar ma bstan pa'i phyir ro/ /des na gang ltar yang / rgya gar rdo rje gdan gyi mkhas pa sgo drug tu grags pa'i ya gyal rtsod dus kyi thams cad mkhyen pa chen po rin chen 'byung gnas zhi ba'i zhal snga nas kyis mdzad pa'i sdeb sbyor rin chen 'byung gnas kyis br-itta dzA ti ngo mtshar rtogs byed kyi ri mo dang bcas pa legs par nos pa'i brgyud pa ni/ paNDi ta chen po rin chen 'byung gnas/ paN chen sa dbang bzang po/ shong lo tsA ba mched gnyis/ lo tsA ba mchog ldan pa/ dpang lo chen po/ lo chen byang chub rtse mo/ lo chen nam mkha' bzang po/ skad gnyis smra ba thugs rje dpal/ dpal sdings lo chen grags pa'i mtshan can/ 'gos lo tsA ba gsum pa chos skyong bzang po/ skyogs ston karma lo tsA ba/ dpal khang lo tsA ba dbyangs can snyems pa'i sde/ sgang ra lo tsA ba 'od zer rgyal mtshan/ shes bya kun rig smon