[A:92]snar thang lo chen saM gha shrIs/ daNDI'i bstan bcos dri ma med/ /ji bzhin 'gyed la dpa' bo dang / /skal mnyam blo gros mig thob pa/ /ma nor lam 'di bdag gis bshad/ /ces bshad pa dang / lam rnam dbye'i skabs su/ de dag dbye ba snyan ngag mkhan/ /so so la gnas brjod mi nus/ /zhes pa 'grel pa rnams su nag mo'i khol po dpa' bo sogs bgrangs pa mang ba'i phyir ro/ /zlos gar gyi bstan bcos skad rigs kyi dbang gis bod du 'jug chung bas grags chung zhing mkhas pa rnams kyis bshad srol las don gyis thon pa las zur du nos pa med la/ de la mkho bas paNDi tas mdzad pa'i rol mo'i bstan bcos kyi lung brgyud ni sdeb sbyor sna tshogs me tog gi chun po sogs dang 'dra'o/ /!/ /'phags pa'i yul na snyan ngag mkhan kun gyi dbus su nyin mor byed pa'i dkyil 'khor ltar gsal ba chos kyi rgyal po dge ba'i dbang pos mdzad pa'i byang chub sems dpa'i rtogs pa brjod pa dpag bsam 'khri shing yal 'dab brgya dang bdun/ de'i kha skong le'u gcig sras zla ba'i dbang pos mdzad pa dang bcas pa'i yal 'dab brgya rtsa brgyad pa chos kyi rgyal po 'phags pa rin po che'i bkas bskul ltar skad gnyis smra ba'i dbang po shong ston rdo rje rgyal mtshan gyis dpal sa skyar bsgyur ba la slad kyi lo tsA ba zhwa lu pa chos skyong bzang pos 'gyur bcos dang zhus dag gis legs par bstar ba'i steng nas lung thos pa'i brgyud pa ni/ ston mchog shAkya seng ge chos rgyal dge ba'i dbang po/ de sras zla ba'i dbang po/ paNDi ta lakShmI kA ra/ shong ston rdo rje rgyal mtshan/ gcung