[A:110]na puNya badzra gyis sbyar zer ba 'dug cing mkhan chen ngag chos pa'i gsan yig na'ang de ltar snang la/ 'jam dbyangs mkhyen brtse/ lo pa spyan snga/ khyab bdag bka' 'gyur ba gsum gyi gsan yig na dkar chag sor gnas bzhin mdzad 'dug pa don la gcig ser pod na kha skong nang gi pho rkyang gi sgrub thabs shog sngon can gnyan phul byung bas mdzad par ngos bzung nas 'di la rkyang sgrub kyi bsnyen sgrub sbrags ma zhes pa las gnyan phul byung bas mdzad pa'i 'phros mi 'dug la/ rdzong chung ba'i der bgegs la bya ba man chad ma tshang zhing slob dpon rtse mos mdzad ces snang ngo /
/ sa chen gyi slob ma gnyan phul byung bas mdzad pa/ 'gor oM swa sti bla ma dang nag po chen po la phyag 'tshal lo kA la'i man ngag la yig rnying snga ma'i 'phros zhes pa dkar chag dang dpe'i zhal byang gnyis kar snang /
zhes dang mjug (mchod rten)tu sa skya jo sras kyi yi ge man ngag rnying pa snga ma'i 'phros sa mApta'i mtha' can/ 'gor oM swa sti dpal nag po chen po la phyag 'tshal lo/ /rten gyi gang zag dbang bzhi'i snod du rung ba zhes yod pa'i nag po chen po'i 'byung lugs bstan (mchod rten)cing gtor ma dang po'i 'phros kyi yi ge rnying pa'i cha lag gong mas mdzad pa rje btsun gyi bla dpe las bris pa/ 'gor bla ma dam pa'i zhabs la spyi bos gus pas phyag 'tshal lo bhe dan gyi yul na bram ze mchog sred ces yod pa'i tshogs kyi bdag (mchod rten)(mu)po'i tshul du sgrub pa'i u pa de sha sa chen gyis mdzad pa/ mgon po khro bcu tshogs bdag ltar sgrub par ngos 'dzin yang / de'i rjes gnang gis mal lo'i lugs kyi pho rkyang la rjes gnang med par bzhed pa la mi gnod pa 'dra ste/ de ni gtso rkyang la dgongs kyi 'di ni pho rkyang gtso 'khor sbags sgrub yin pas so snyam