[A:10]byung gtor ma'i cho ga gzhan don slob ma la phan gdags pa tshogs mchod dang bcas pa/ slob ma rjes gzung byin rlabs kyi yi ge zhar byung sindhU ra'i sgrub pa/ zhi ba'i sbyin sreg mar me'i sbyin sreg za byed mkha' 'gro'i sbyin sreg khrus chog 'khor lo'i man ngag tshes bcu'i cho ga dang bcas pa rnams so/ /bdun pa khrid yig skor la dngos dang / khyad par can rtsa dbu ma che ba'i khrid gnyis/ dang po la rje btsun rin po che grags pa rgyal mtshan gyi phyag chen gces btus nas 'khor lo sdom pa dkon mchog rgyal mtshan gyis bris pa'i rtsa dbu ma'i khrid yig mgor/ bla ma dang rdo rje rnal 'byor ma la phyag 'tshal lo/ /zab yangs rgyud rgyal gsang mtha'i don zhes yod pa/ rgyud sde drug pa'i rnal 'byor gsang mtha'i yang bcud dpa' mo mkha' spyod dga' ma'i nye lam rje btsun sa skya pa'i gser chos kyi nying khu he ru ka dpal tshar pa chos rje'i gsung bzhin 'jam dbyangs mkhyen brtses zin bris su mdzad pa'i khrid yig mkha' spyod bgrod pa'i nye lam 'di ni deng sang rnal 'byor bcu gcig gi steng du rtsa dbu ma'i khrid tsam bsnan nas mkha' spyod ma'i khrid yin no zhes skad gsang mthon por sgrogs pa rnams dang ye mi 'dra ba'i nA ro pa'i gsang chen slob bshad kyi gnad 'gag thams cad tshang ba yin pas/ khrid kyi mjug tu/ grangs med mkha' 'gro'i gtso mo kun 'dar ma/ /zag med bde chen mchog gis mchod byas nas/ /brjod med gnas lugs rtogs pa'i nye lam 'di/ /'khrul med bla ma'i gsung gi nying khu yin/ /zhes rang bzo dang 'khrul pa'i dri ma phra mo tsam dang yang