[A:162]mong ma yin pa gsang ba yid bzhin nor bu/ deng sang gsang ba'i mgon khang la gsang ba yid bzhin nor bu'i mgon khang zhes pa'ang sgrub yig 'di la brten nas thogs shing / thog mar slob dpon sangs rgyas dpal bar zin bris tsam zhig gnang ba khong gi grogs dam pa zhig nas 'phel ba'i phyag tu 'byor bas man ngag shes par 'dod na med kha med cig byung 'dug par dgongs nas chos kyi bu dang rigs kyi tsha bo rnams kyi don du zhus dag dang mjug gi chags bcad sogs gnang ba yin la/ de yang / gangs kyi chu dang 'o ma 'dres pa de/ /ngang pa'i rgyal pos 'byed shes gzhan min ltar/ /ma nor gnad kyi bcud rnams len shes pa/ /da lta'i dus na bdag las gzhan su zhig / de lta'i blo gros gang gis mthus byung ba/ /mkhyen brtse nus mthu mchog gi 'byor pa can/ /dpal ldan bla ma nam mkha'i mtshan can zhabs/ /'dren mchog de yi drin las rnyed par gyur/ /zhes zab pa las kyang ches zab pa snying nang gi khrag lta bu snyan nas snyan zhal nas zhal du brgyud pa'i gdams pa rnams ni yab 'jam dbyangs chos rje nam mkha' rgyal mtshan kho na las gsan zhing / de yan du gdams pa kha 'thor nas shes rlom phal cher gyis zing zing por gyur nas rtogs dka' ba dag bstan pa rin po che'i lcags rir nag po 'gro shes kyi tshul du bkod pa gnang ba yin pas/ spyir snyan brgyud kyi glegs bam yongs rdzogs bka' dam par ma zad/ gsang ba yid bzhin nor bu'i yi ge 'di dus gcig la snod ldan gyi slob ma gcig la chig brgyud du spel ba'i phyag len nyams pa med cing / de'i