[A:165]snyam/
bdag gi bsam pa'i stobs dang ni zhes sogs brjod do'i mtha' can/ yang mgon mkhan chen pa'i zin bris 'di rnams ngo mtshar ba'i legs bshad dang nor 'khrul cung zad kyang yod ces rdo rje 'chang tshar pa chos rjes gsungs pas slad mar yang yi ge man ngag gzhan dag dang bstun pa'i dpyad dgos par snang ngo / /lnga pa rje btsun rdo ring pa chen pos mdzad pa'i yi ge la/ nag po chen po'i 'khu ldog spang ba/ bzlas pa spyi'i sngon du 'gro ba brgyad dang so so'i khyad par gsum bstan pa'i thun mong ma yin pa'i bsnyen pa/ srog phur gyi man ngag rnams bdag chen rdo rje 'chang gis yig ris so sor bkod pa slob ma'i don du mkha' 'gro chos skyong la gtor ma phul nas mi dgag pa'i mtshan ma byung bar brten/ bcos bslad med par gcig tu bsdoms nas kha'u skyed lhas nas mgo brtsams dpal e waM chos ldan du rdzogs par grub pa'i yi ge mjug tu/ 'phags pa/ dam pa kun dga' grags/ badzra shrI mangga la siddhi/ bar sdings pa/ 'jam dbyangs chos rje rnams las rim par brgyud pa bdag chen rdo rje 'chang gis bka' rgyas btab nas gnang tshul bcas yod pa dus gcig la chig brgyud las mi gnang ba/ mnga' ris pa dge slong chos skyong grags dang dmar khams pa grags pa dkon mchog sengges lo drug bdun gyi bar du bskul ba la brten nas chos skyong la gsol ba btab pas mi dgag pa'i gnang (zha)(khra)ba byung bar brten lcags bya snron zla ba'i nyer lnga la dpal e waM chos ldan du mdzad pa'i kha sbyor dbye ba brgyad kyi man