[A:198]dbang phyug birWa pa la lha mos dngos su gnang nas shar phyogs nag po las brgyud pa yin gyi yig cha 'di ga mdzad pa ni min no/ /
de'i 'grel pa'i lag len ma 'dod khams dbang phyug drag mo rkang thang ma rno ba'i mde'u ha la reg chod ces bya ba zhe sdang rdo rjes yi ge ra bris pa/ 'gor dpal he ru ka la phyag 'tshal lo/ /lha mo sgrub pa'i thabs la gru gsum steng du zhes yod pa'i drag mo rkang thang gi sgrub thabs thun mong ma yin pa rdzogs so'i mtha' can/ drag mo rkang thang yang snying bkol ba'i sgrub thabs dud sol ma mngon sum du bkol ba'i man ngag tu grags pa rngog zhe sdang rdo rjes mdzad pa/ 'gor dpal khrag 'thung gi rgyal mo la phyag 'tshal lo/ /dur khrod sol ba can gyi sgrub thabs ni zhes yod pa'i 'dod khams dbang phyug yang gsang rkang thang du sgrub pa'i yi ge rngog zhe sdang rdo rje'i zhal gdams ji lta ba bzhin du bkod pa'i mtha' can/ tshe dang bsod nams rgyas par byed pa'i las sbyor gyi yi ge longs spyod thams cad lha'i dbang po dang mnyam mo'i mtha' can/ la cha'i sdig par brten nas ma mo rang gi lus dang grib ma bzhin 'grogs pa'i rten gyi yi ge dpal ldan lha mo'i sgo nas dgra la ltas ngan dbab pa'i thabs bstan pa'i yi ge rdzogs byang gi mtha' can/ dpal ldan lha mo'i mngon par shes pa sgrub pa'i lag len gnad dbab dang bcas pa slob dpon chen po zhe sdang rdo rjes mdzad pa rdzogs so'i mtha' can/ gong ma 'di la pra rten gyi khye'u sogs 'dug pa dang 'og ma 'dir khye'u med pa'i me long sogs la brten pa'i mo yin pa'i brjod bya 'dug pa nas gong 'og gi ming nor ba yin min som nyir snang ngo / /
dpal ldan lha mo'i sgo nas pra dbab pa spyan 'dren ma gcig