[A:281]rdzas kyis/ /mtha' rten kho bo'i snying dbus bum par bltams/ /zhes grangs tsam 'god pa las gsal bar mi 'dri ba ni/ 'di ni lho bal gser gyis gnongs pa ltar/ /yod ces mi smra shin tu gsang zhing sba/ /sbas kyang shes na khyi dang glo ba ni/ /phrad ltar mi bya rim gyis brtags byas te/ /skal bzang snod dang ldan pa'i bu mchog la/ /chig brgyud kho nar byin la rgyas gdab bya/ /zhes pa'i don snying gi dpal be'ur bcang dgos pas zhib cha mtha' dag yid la ri mor 'dri ba dang / gal te brjed ngas kyis 'jigs na tho gsal po bris nas gud du bcang ba las tho yig yongs grags su'ang rgyas par mi 'dri ba phyag len no/ /de ltar chos skor rnams yongs su rdzogs par nos pa las/ thog mar thar rtse paN chen gyis mdzad pa'i yi ge ltar bsnyen dus kyi rjes gnang rkyang pa ngor lugs kyi brgyud pa ni/ yang dag par rdzogs pa'i sangs rgyas rdo rje 'chang / 'phags mchog klu sgrub zhabs/ grub chen ba linta pa/ slob dpon sangs rgyas ye shes zhabs/ mar me mdzad bzang po/ dpal bde ba'i zhabs/ bi ma la gupta/ ratna badzra/ ratna kIrti/ ri sul gyi rnal 'byor ma/ gnyen lo tsA ba dar ma grags/ gnam kha'u pa chos kyi rgyal mtshan/ rje btsun brtse ba chen po kun dga' snying po/ slob dpon bsod nams rtse mo/ rje btsun grags pa rgyal mtshan/ chos kyi rje sa skya paNDi ta/ 'gro ba'i mgon po chos rgyal 'phags pa/ zhang dkon mchog dpal/ grub chen brag phug pa bsod nams dpal/ thams cad mkhyen pa bsod