[A:309]pa'i bzhes sgra dang bka' rgya shin tu dam pa rdo rje 'chang tshar pa chos rjes mdzad pa/ des mdzad pa'i sgrol gying dmar po'i gnad kyi gdams pa nang gi rnal 'byor la brten nas bsnyen sgrub las gsum myur du 'grub pa'i zab gnad can rgya mtsho'i nang gi nor bu dang srog bral lto ba'i gser bzhin sba ba'i chig brgyud ma ming tsam yang brjod par bka' ba'i gdams pa/ yab yum srog 'khor/ sgrub pa'i 'khor lo kha sbyor/ rlung 'khor gyi dpe ris dang bcas pa rnams phyag len dmar khrid nyams su myong bar nos so/ /gnyis pa bye brag gi skor la/ gnod sbyin dmar po zhal gsum phyag drug par brten pa'i gsang sgrub bka' rgya ma snying khrag thang la pho zhig gi mtha' can/ gnod sbyin gdug pa'i las sbyor la brten nas dgra la khyi dmag drang ba bai ro tsa nas paNDi ta dha tsaNDa la gser srang gang phul nas zhus pa/ dgra la bya dmag gtong ba sa la sba'o'i mtha' can/ wa thod las kyi rlung dmar la brten nas sngags pa nag po bsgral ba'i gdams pa mantra i thi'i mtha' can rnams so/ /gnyis pa gter ma'i skor la/ gnubs lugs dang nyang lugs gnyis/ dang po la/ bshan pa dgu skor gyi sgrub thabs slob dpon chen po padmas bsam yas dbu rtse'i ke'u tshang du gter du sbas pa gnubs sangs rgyas ye shes kyis spyan drangs pa la/ rgyal po gser gyi shugs can dang btsun mo utpa la'i rgyan gnyis kyi sras su gcen grags ldan dang gcung grags skyes gnyis 'khrungs pa'i lo rgyus/ 'gor khrag gis dmar rjib gtang zhes yod pa'i srog bdag yam shud dmar