[A:332]spyan snga kun dga' rgyal mtshan/ spyan snga yon tan rgyal mtshan/ spyan snga blo gros rgyal mtshan/ kun mkhyen shAkya don grub/ 'jam dbyangs kun dga' legs grub/ she'u lo tsA ba man 'dra'o/ /!/ /'chi med tshe'i rig 'dzin brnyes pa'i slob dpon chen po paNDi ta gsang ba ye shes sam ma hA paNDi ta lwa ba dmar por grags pas gangs ri'i ljongs 'dir lan gsum byon pa'i bar par gdan drangs shing / de'ang nges pa'i don gsang ba ltar na rgyal ba kun gyi yum gcig rdo rje dbyings kyi dbang phyug ma'am shes rab kyi pha rol tu phyin ma/ nang ltar ngag dbang lha mo dbyangs can ma/ phyi ltar ma gcig grub pa'i rgyal mo sogs mngon brjod kyi bstan bcos 'chi med mdzod dang / 'grel pa rab 'byor zla bas mdzad pa dang / mu tig phreng ba rnams las lha mo u ma de wI dang gcig par bshad de/ ming gi rnam grangs dgu bcu tsam gyis bstan cing / lha mo'i bstod pa'i skabs su mtshan brgya rtsa brgyad kyis bstan pa dang / gsang sngags rnying ma'i rgyud rnams las kyang sngags srung drag mo'i sgrub tshul mang du bstan cing / bya ba'i rgyud rig pa mchog las phyag na rdo rjes nam gru'i rigs dang cho 'brang la bstod nas sangs rgyas kyi dkyil 'khor du bcug cing dbang bskur te gsang sngags spyi'i srung mar bskos shing / yul nyer bzhi dang gnas so gnyis kyi nang tshan de wI ko Ta ste bod skad du lha mo'i mkhar zhes par gnas nas/ zhing skyong ma mo thams cad kyi gtso mor mdzad par bshad pa'i dpal ldan lha mo dmag zor gyi rgyal mo zhes rje khol gnyis las khol mo re ma tir grags pa'i sku