[A:382]jo bo yab sras kyi bkod pa phun sum tshogs pa'i gter mkhan chen nyi ma rgyal mtshan gyis dpal snar thang du mdzad pa/ glegs bam dngos kyi bzhugs tshul la/ pha
'dir pha chos bu chos zhes tha snyad gdags pa'i rgyu mtshan pha 'brom ston gyis zhus nas jo bos gsungs pa la pha chos dang / bu khu rngog gis zhus nas gsungs pa la bu chos zhes grags pas so/ /
chos nor bu'i phreng ba'i rtsa ba byang chub sems dpa' nor bu'i phreng ba/ pha chos le'u nyi shu rtsa drug las zhu lan gyi dngos gzhi nor bu'i phreng ba le'u nyi shu rtsa gsum dang / ka bas dbu mdzad pa'i mkhas btsun mang po dang yon bdag shAka mgon la sogs pa skye bo'i tshogs du ma dang bcas pa'i dbus su lha chos bdun ldan gyi 'khor lo bskor ba las 'phros nas nan gyi sgo nas chos 'di bka' rgya du mas gdab pa'i le'u/ lha ri snying po'i mgul du bla ma la 'bul mo che mdzad pa las 'phros nas ma 'ongs lung bstan pa'i skor/ shing pho rta'i lo lha ri snying por bzhugs pa'i tshe sgrol mas snye thang du 'byon par bskul nas mthar bla ma dga' ldan du 'byon pa'i bar gyi tshul rnams mgur du bzhes pa 'chi med rdo rje'i glu ste kun dril bas pha chos le'u nyi shu rtsa drug bu chos skor la/ 'brom rgyal ba'i 'byung gnas kyi skyes rabs bstan pa las rngog legs pa'i shes rab kyis zhus pa'i rngog chos nyi shu/ khu chen pos zhus pa'i khu chos gnyis te dril bas nyi shu rtsa gnyis/ ngo mtshar ba'i gtam thor bu rnams lo tsA ba la sogs pa'i rje'i sras dam pa rnams kyis zur du glengs pas kha bskang ba ste le'u tha ma/ de ltar glegs bam dngos gzhi le'u bzhi bcu rtsa brgyad/ gang gi lo rgyus/ bkod pa