[A:394]rgyal/ rgyal sras rgyal mtshan bzang po/ smra dbang phyogs las rnam rgyal/ don grub chos gling pa bstan pa rgya mtsho/ kun mkhyen ngag dbang kun dga' lhun grub/ ngag dbang kun dga' legs pa'i 'byung gnas/ grub dbang sangs rgyas rgya mtsho/ rdo rje 'dzin pa kun dga' rgya mtsho/ des bdag bande tshul khrims rin chen la'o/ /!/ /rnam 'dren bstan pa'i mnga' bdag dpag yas rigs kyi khyab bdag rdo rje 'chang chen po dang mi gnyis pa rje btsun sa skya pa gong ma lnga'i gsung rab rin po che rnams kyi lung gi tshogs legs par nos pa la/ ngor rdzong gong dkar ba gsum la chos tshan gyi grangs la mang nyung dang go rim cung zad mi mthun pa'i khyad par 'ga' zhig mchis par/ 'dir rgyal ba gnyis pa lta bu rje btsun kun dga' bzang pos glo bo smon thang gi rgyal por dpal sa skya'i rje btsun gong ma yab sras gsum gyi gsung rab rnams rin po che sU warNa las grub par bzheng bcug skabs mdzad pa'i dkar chag gi sgrig rim dang mthun par rgyal tshab kun dga' dbang phyug gis mdzad pa'i dkar chagangor chen thams cad mkhyen pa dkon mchog lhun grub/ 'jam dbyangs mkhyen brtse'i dbang phyug thar rtse paN chen nam mkha' dpal bzang / shar pa byams pa kun dga' bkra shis/ mkhan chen ngag dbang chos grags/ sgrub khang pa mkhas grub dpal ldan don grub/ ngag dbang brtan pa'i rdo rje pa rnams kyi gsan yig la gzhi byas nas gsung rab chos tshan gyi ngos 'dzin zhib tu dpyad nas 'god pa la lnga ste/ dang por bstan pa'i bdag po chos kyi rje rnal