[A:553]mkhas pa mang pos dbus 'gyur 'chang du gtogs pa'i grong khyer chen po bcom brlag tu bsdus pa'i lung zhu ba ma rdzogs pa 'di dag pa yin la/ de'ang gangs ri'i ljongs su 'gyur ro cog gi lung sde bzhi'i bzhugs tshul la snyigs dus kyi thams cad mkhyen pa bu ston rin po che sogs mkhas pa mang dag gis pha'i so thar mdo'i tshig gi 'grel pa pha'i rnam 'byed yin pas dang por pha'i so thar dang rnam 'byed/ de nas ma'i so thar dang rnam 'byed/ de nas so thar mdo'i don gyi 'grel pa lung gzhi/ de gnyis kyi kha skong ba phran tshegs/ de dag gi don zhus lan gyis gtan la 'bebs pa lung zhu ba'am gzhung bla mar mdzad nas rgyal rtse them spangs ma sogs go rim de ltar yod/ thams cad mkhyen pa rdo rje gdan pa'i gsan yig tu rtsa ba'i lung dge slong pha ma'i so thar gnyis/ de nas lung sde bzhi'i dang po lung gzhi/ gnyis pa lung rnam 'byed/ gsum pa bla ma'am dam pa/ bzhi pa phran tshegs kyi go rims su mdzad/ tshal pa'i bka' 'gyur du sngon gyi ska cog sogs kyi bzhed pa dkar chag phang thang ma sogs las byung ba ltar dang po lung gzhi/ gnyis pa so thar gyi mdo dang rnam 'byed/ gsum pa phran tshegs/ bzhi pa gzhung bla ma'am zhu bar mdzad pa'i lugs gsum ga khungs shin tu btsun par 'dug pas gang gi rjes su 'brangs kyang khyad par mi 'dug na'ang / tshal pa bka' 'gyur gyi steng nas lung nos pa dang mkhas grub sman lung pa'i gsan yig kyang de kho na ltar mdzad pa nas de'i rjes su 'brangs te bkod pa la/ 'dul ba gzhi shlau ka sum khri