[A:97]du rig pa'i dbang lnga/ rjes gnang bzlas lung dang bcas pa/ mngon dkyil de dag la brten nas bla ma brag steng pa'i bzhed pa gur mgon lha bcu gnyis ma'i ras bris kyi dkyil 'khor du rig pa'i dbang lnga/ sku gsung thugs yon tan phrin las kyi rjes gnang bzlas lung dang bcas pa/ mngon dkyil de khar brten nas rgyud dur khrod nag po'i rjes su 'brangs pa'i gyi ljang lugs kyi mgon po lha bcu bdun ma'i ras bris kyi dkyil 'khor du/ chu cod paN rdo rje dril bu ming dbang bzlas lung dang bcas pa rnams dkyil chog tu lugs gnyis gsungs pa'i rgya gzhung lugs sor gnas/ yang mngon dkyil de dag la brten nas sindhU ra'i dkyil 'khor du gri gug lha lnga'i dbang snyan brgyud lugs ltar bzlas lung yan rgya gzhung sor bzhag la/ sku gsung thugs kyi rjes gnang / gsang dbang sher dbang dbang bzhi pa dang bcas pa rnams so/ /gnyis pa rjes gnang gi bka' ma nub pa'i skor la/ rje btsun sangs rgyas rin chen gyis mdzad pa'i yi ge dang / paN chen nam mkha' dpal bzang gis mdzad pa'i yi ge'i steng nas lo chen gyi bzhed pa gtso bor gyur pa'i lcam dral lha gsum sbags te bsgrub pa'i sku gsung thugs kyi rjes gnang / dpal ldan bla ma dam pa'i phyag len la gzhi byas rgyal tsha lung mang po dang bla ma zhang ston khu dbon gyi phyag bzhes zin bris kyis brgyan te yar klungs pa sengge rgyal mtshan gyis mdzad pa'i yi ge dang bsham sogs mthong brgyud kyi bka' srol ltar lha brgyad mkha' 'gro sbags sgrub thun mong ba'i rjes gnang / mgon po rnam rol gyi mngon rtogs dang dam pa gong ma'i phyag len ltar mgon po lha bcu gnyis pa thun mong ba'i rjes gnang / ngor chen rdo rje 'chang gis mdzad pa'i thun mong ma yin pa'i rjes gnang gi yi ge dang / paN chen brang ti pas mdzad pa'i lha bcu gnyis ma'i rjes gnang gi yi ge ra 'dor len bgyid pa la brten nas lha brgyad mkha' 'gro sbags sgrub thun mong ma yin pa'i rjes gnang / gtor chog pho nya myur mgyogs dang thams cad mkhyen pa mkhyen brtse'i tho yig bzhin dus gcig la chig brgyud las mi gnang ba'i lha brgyad thun mong ma yin pa'i rjes gnang / paN chen nam mkha' dpal bzang gis mdzad pa'i rjes gnang gi yi ge'i steng nas gur gyi mgon po lha brgyad kyi steng sgo ma bzhi bsnan pa'i lha bcu gnyis kyi rjes gnang / mgon po rnam rol gyi