R795: གོང་དཀར་བླ་མ་འཕྲིན་ལས་རྣམ་རྒྱལ་གྱི་གསན་ཡིག

« Title Page

Pagination (Witness A): 156

Last Page »

[A:156]ཐམས་ཅད་ཀྱི་གཞི་སེང་ལྡེང་ནགས་ཀྱི་སྒྲོལ་

འདི་ཟུར་བཀའ་ན་ཡོད་པ་

མའོ། །དགྲ་བགེགས་ལོག་འདྲེན་གྱི་འཚེ་བ་ཞི་བར་བྱེད་པ་མྱུར་ཞིང་དཔའ་བའི་སྒྲོལ་མ་༡། ནད་གདོན་བགེགས་སྡིག་པ་མི་མཐུན་པའི་ཕྱོགས་ཞི་བར་བྱེད་པ་སྟོན་ཀའི་ཟླ་ལྟར་དཀར་བའི་སྒྲོལ་མ་༢། ཚེ་དང་ལོངས་སྤྱོད་འཕེལ་བར་བྱེད་པ་གསེར་མདོག་ཅན་གྱི་སྒྲོལ་མ་༣། ཚེ་ལོ་བཅུ་ཡང་བརྒྱར་འཕེལ་བར་བྱེད་པ་ཚེ་འཕེལ་སྒྲོལ་མ་སེར་མོ་༤། བུད་མེད་སོགས་དམིགས་བྱ་དབང་དུ་བྱ་བ་ཧཱུྃ་སྒྲ་སྒྲོག་པའི་སྒྲོལ་མ་༥། དབང་ཕྱུག་ལྷ་དང་ས་བདག་སོགས་དབང་ཆེན་ཐམས་ཅད་བྲན་དུ་བྱས་ནས་འབྱུང་པོ་འདུལ་བ་འཇིག་རྟེན་གསུམ་རྒྱལ་སྒྲོལ་མ་༦། རིག་སྔགས་ཀྱི་གནོད་པ་དང་རྦོད་ཟོར་བཟློག་པར་བྱེད་པ་གཞན་གྱི་འཕྲུལ་འཁོར་འཇོམས་པའི་སྒྲོལ་མ་༧། བདུད་དང་དགྲ་བགེགས་སྒྲོལ་བར་བྱེད་པ་བདུད་དགྲ་རྣམ་པར་འཇོམས་པའི་སྒྲོལ་མ་༨། འདི་ཕྱིའི་གནོད་པ་དང་འཇིགས་པ་ཐམས་ཅད་བསྲུང་བ་ཕྱག་རྒྱ་དཀོན་མཆོག་གསུམ་མཚོན་སྒྲོལ་མ་༩། བདུད་དང་མུ་སྟེགས་ལོག་ལྟ་ཅན་རྣམས་དབང་དུ་བསྡུས་ནས་བར་གཅོད་འདུལ་བར་བྱེད་པ་འཇིག་རྟེན་དབང་མཛད་སྒྲོལ་མ་༡༠། མཁོ་དགུའི་འབྱོར་པ་ཐམས་ཅད་སྤེལ་ཏེ་ཕོངས་པ་ལས་རྣམ་པར་སྐྱོབ་པ་འགུགས་ཤིང་ཕོངས་པ་སེལ་བའི་སྒྲོལ་མ་༡༡། བཀྲ་ཤིས་དང་དངོས་གྲུབ་ཐམས་ཅད་འགྲུབ་པར་བྱེད་པ་བཀྲ་ཤིས་ཐམས་ཅད་འབྱིན་པའི་སྒྲོལ་མ་༡༢། བར་གཅོད་དགྲ་བགེགས་རྣམས་འཇོམས་ཤིང་བསྲུང་བ་དང་རེངས་པར་བྱེད་པ་མེ་ལྟར་འབར་བའི་སྒྲོལ་མ་༡༣། བགེགས་ལ་རྣམ་པར་བསྣུན་པས་བར་གཅོད་སེལ་བར་བྱེད་པ་སྒྲོལ་མ་ཁྲོ་གཉེར་ཅན་མ་༡༤། སྡིག་སྒྲིབ་བག་ཆགས་མི་གཙང་བ་རྣམས་ཞི་བར་བྱེད་པ་སྒྲོལ་མ་ཞི་བ་ཆེན་མོ་༡༥། གཞན་གྱི་རིག་