R795: གོང་དཀར་བླ་མ་འཕྲིན་ལས་རྣམ་རྒྱལ་གྱི་གསན་ཡིག

« Title Page

Pagination (Witness A): 188

Last Page »

[A:188]སེང་གེ །འཇམ་དབྱངས་ཆོས་ཀྱི་རྒྱལ་པོ། ཤངས་དཀར་བ་རིན་ཆེན་རྒྱལ་མཚན། ཕ་རྒོད་བསོད་ནམས་བཟང་པོ། རྗེ་བཙུན་རྡོ་རིང་པ་ཆེན་པོ་མན་འདྲ། ཡང་ན་འབའ་ར་བ་ནས། ཆོས་རྗེ་བདེ་ལེགས་

ལྷ་དོ་རྟོགས་ལྡན་ཡང་ཟེར་

རིན་ཆེན། གནས་རྙིང་པ་རིན་ཆེན་རྒྱལ་མཚན། ཀུན་མཁྱེན་གངས་ཁྲོད་པ་ཀུན་དགའ་དཔལ་བཟང༌། ཆོས་རྗེ་རིན་ཆེན་རྒྱལ་མཚན། སྐུ་ཞང་མཁྱེན་རབ་ཆོས་རྗེ་མན་འདྲ། ཡང་ན་རྡོ་རིངས་རིན་པོ་ཆེ། རྗེ་བཙུན་སྒོ་རུམ་པ་ཀུན་དགའ་ལེགས་པ། རྡོ་རྗེ་འཆང་ཚར་པ་ཆོས་རྗེ། ཡབ་སྲས་གཉིས་ཀ་ལ་འཇམ་དབྱངས་མཁྱེན་བརྩེས་གསན་པ་མན་གོང་ལྟར་རོ། །ཡང་ན་སྒོ་རུམ་པ་ནས། དེ་དབོན་སྒོ་རུམ་པ་ངག་དབང་བསྟན་པའི་རྡོ་རྗེ། འཇམ་དབྱངས་མཁྱེན་བརྩེ་མན་འདྲ། ཡང་ན་མཁྱེན་རབ་རྗེ་ནས། སྐུ་ཞང་བསོད་ནམས་མཆོག་གྲུབ། བྱང་གླིང་བཀྲ་ཤིས་རྒྱལ་མཚན། རྡོ་རྗེ་འཆང་དབང་རབ་མན་འདྲ། ཡང་ན་རྗེ་སྒོ་རུམ་པ་དང་ཚར་ཆེན་གཉིས་ལ་མངའ་རིས་རུ་ཐོག་པ་ནམ་མཁའ་གཟི་བརྗིད། དེ་ནས་ཀུན་མཁྱེན་མཁྱེན་བརྩེ་མན་འདྲ། ཡང་ན་རས་ཆུང་པ་ནས། གསུམ་པ་སེང་གེ་དཔལ། ལོ་སྟོན་ཀུན་དགའ་དར། གླིང་རས་པ་པདྨ་རྡོ་རྗེ་ནས་རིམ་པར་བརྒྱུད་དེ། རྩེས་དང་སྨན་ཚུལ་ཁང་པ་སློབ་དཔོན་བཀྲ་ཤིས་དར།

དགུང་ལོ་བརྒྱ་ལྷག་པ་བཞེས་པ་ཡིན།

རྗེ་བཙུན་རྡོ་རིངས་པ་མན་འདྲ། ཡང་ན་འབའ་ར་བ་ནས། གཡག་སྡེ་ཁ་རག་རི་པ་སངས་རྒྱས་རྒྱལ་མཚན། འབྲི་གུང་ལོ་ཙཱ་བ་ནམ་མཁའ་གྲགས། མཉམ་མེད་སངས་རྒྱས་དཔལ་བཟང༌། རྗེ་ནམ་མཁའ་རྒྱལ་མཚན། རྗེ་རིན་ཆེན་རྣམ་རྒྱལ། པཎ་ཆེན་གཞུང་ལུགས་འབུམ་ཕྲག་བརྒྱ་པ་དངོས་གྲུབ་དཔལ་

ཆོས་འཁོར་ལྷུན་པོའི་མཁན་པོ་

འབར། བླ་ཆེན་ནམ་མཁའ་གཟི་བརྗིད་མན་འདྲ། ཡང་ན་རྗེ་བཙུན་རྡོ་རིངས་པ་ཆེན་པོ་ནས། རྗེ་ཀུན་དགའ་གྲོལ་མཆོག །འཇམ་