R795: གོང་དཀར་བླ་མ་འཕྲིན་ལས་རྣམ་རྒྱལ་གྱི་གསན་ཡིག

« Title Page

Pagination (Witness A): 204

Last Page »

[A:204]བཟང་རྒྱ་མཚོ། དེས་བདག་གོ །ཡང་ན་ཁ་ཆེ་པཎ་ཆེན་ནས། པཎྜི་ཏ་དཱ་ན་ཤཱི་ལ། གཡག་སྡེ་ལོ་ཙཱ་བ་བསོད་ནམས་སེང་གེ །མཁན་ཆེན་བདེ་བ་དཔལ་མན་འདྲ། ༈ པཎྜི་ཏ་གསེར་གདུགས་ཅན་གྱི་བཞེད་སྲོལ་རྗེ་བཙུན་འཇམ་དབྱངས་དཀར་པོ་ཤེས་རབ་འཁོར་ལོའི་རྗེས་གནང་གོང་མའི་ཕྱག་ལེན་བཞིན་དང༌། ཁྲོ་ཕུ་ལོ་ཙཱ་བས་མཛད་པའི་སྒྲུབ་ཐབས་གསལ་བྱེད་མེ་ལོང་གི་ལུང་ཐོབ་པའི་བརྒྱུད་པ་ནི། རྗེ་བཙུན་འཇམ་པའི་དབྱངས། པཎྜི་ཏ་གསེར་

མཚན་ཟླ་བའི་འབྱུང་གནས་སྦས་པ་

གདུགས་ཅན། རཱ་ཧཱུ་ལ་ཤྲཱི། བི་མཱ་ལ་ཤྲཱི། བིཀྵ་ཏ་དེ་ཝ། ཁ་ཆེའི་པཎྜི་ཏ་ཤཱཀྱ་ཤྲཱི་བྷ་དྲ། ཁྲོ་ཕུ་ལོ་ཙཱ་བ་གནུབས་བྱམས་པའི་དཔལ། ཆོས་རྗེ་བསོད་ནམས་དབང་ཕྱུག །ཁྲོ་ཕུ་རིན་ཆེན་དབང་ཕྱུག །མཁན་ཆེན་ཆོས་རྒྱལ་དཔལ་བཟང༌། ཀུན་སྤངས་ཆོས་གྲགས་དཔལ་བཟང༌། ཁྲོ་ཕུ་རིན་ཆེན་འབུམ། གཉག་དབོན་བསོད་ནམས་བཟང་པོ། མཁན་ཆེན་སེང་གེ་དཔལ་བ། མཁན་ཆེན་རིན་ཆེན་བཟང་པོ། མཁན་ཆེན་ཆོས་གྲུབ་སེང་གེ །ལོ་ཆེན་རཏྣ་བྷ་དྲ། ལོ་ཆེན་འགྱུར་མེད་བདེ་ཆེན། ཆོས་གཏེར་དཀོན་མཆོག་ལེགས་པ། ཨེ་ཝཾ་སྒྲུབ་ཁང་པ་དཔལ་ལྡན་དོན་གྲུབ། རྡོ་རྗེ་འཛིན་པའི་ས་བརྙེས་མགོན་པོ་བསོད་ནམས་མཆོག་ལྡན། དེས་བདག་གོ ༈ །འཇམ་དབྱངས་སྨྲ་བའི་སེང་གེ་ཡུམ་དབྱངས་ཅན་མ་སྔོན་མོ་བྱ་རྒྱུད་ལུགས་ལ་ཕ་དམ་པ་སངས་རྒྱས་ལུགས་ཀྱི་ལས་ཚོགས་མང་དུ་ཡོད་ཅིང༌། རྗེས་གནང་གི་ཡིག་ཆ་ཨེ་ཝཾ་དཔལ་ལྡན་དོན་གྲུབ་ཀྱིས་མཛད་པ་ནས་ཐོབ་པའི་རྗེས་གནང་གི་བརྒྱུད་པ་ནི། ཡང་དག་པ་རྫོགས་པའི་སངས་རྒྱས། དྲོང་ཉི་མའི་ཤིང་རྟ། བྲམ་ཟེ་རིག་བྱེད་གཞོན་ནུ། དབྱངས་ཅན་བཟང་པོ། རྒྱ་གར་དམ་པ་སངས་རྒྱས། དརྤན་ཨཱ་ཙརྱ། མཆིམས་ནམ་མཁའ་གྲགས། དབུས་པ་གཞོན་ནུ་བྱང་ཆུབ། ཉང་སྟོད་པ་ཚུལ་ཁྲིམས་གཟུངས། མཁས་