[A:248]ཤིས། དེས་བདག་གོ །ཉེ་བརྒྱུད་ནི། དུས་གསུམ་རྒྱལ་ཡུམ་རྡོ་རྗེ་རྣལ་འབྱོར་མ། །ཡེ་ཤེས་སྒྱུ་མའི་རྣམ་རོལ་ནི་གུ་མ། །བདེ་དྲོད་རང་འབར་དཔལ་འབྱོར་བཟང་པོའི་མཚན། །དངོས་གྲུབ་མཆོག་བརྙེས་འཇིགས་མེད་དཔའ་བོའི་ཞབས། །སྙན་བརྒྱུད་རྒྱ་མཚོ་བྱང་ཆུབ་དབང་གི་རྒྱལ། །མཁས་དབང་པཎ་ཆེན་བདེ་བའི་རྡོ་རྗེ་འཛིན། །སྐུ་བཞིའི་བདག་ཉིད་ལྷ་དབང་ཕྲིན་ལས་རྗེ། །དཀོན་མཆོག་གསུམ་དངོས་ཚུལ་ཁྲིམས་བཀྲ་ཤིས་དཔལ། །གསོལ་བ་འདེབས་སོ་ཕྲིན་ལས་རྣམ་རྒྱལ་གྱི། །སྒོ་གསུམ་རྡོ་རྗེ་གསུམ་དུ་བྱིན་གྱིས་རློབས། །ཡང་ན་རས་ཆེན། འཇམ་དབྱངས་བྱང་ཆུབ་དབང་རྒྱལ་མན་འདྲའོ། ༈ །བདེ་མཆོག་ལ་བརྟེན་པའི་བླ་མའི་རྣལ་འབྱོར་འབེབས་ཆོག་ལིང་ཆུ་རྩེ་ཁབ་ནས་ཐོབ་པའི་བརྒྱུད་པ་ནི། ནམ་མཁའ་མཛོད་བླ་མ་གྲུབ་ཆེན་པ། རྡོ་རྗེ་འཆང་ཚུལ་ཁྲིམས་བཀྲ་ཤིས། དེས་བདག་གོ ༈ །ཞེན་པ་བཞི་བྲལ་གྱི་ཁྲིད་ནི། རྗེ་བཙུན་ས་སྐྱ་པ་ཆེན་པོ་ཀུན་དགའ་སྙིང་པོས་ཟླ་བ་དྲུག་གི་བར་དུ་འཇམ་དཔལ་གྱི་སྒྲུབ་པ་མཛད་པའི་ཚེ། འཇམ་དབྱངས་གཙོ་འཁོར་གསུམ་ཞལ་གཟིགས་པའི་གཙོ་བོས་དངོས་སུ་གསུངས་པའི་བློ་སྦྱོང་ཞེན་པ་བཞི་བྲལ། དེའི་འགྲེལ་པ་རྗེ་བཙུན་གྲགས་པ་དང༌། ས་སྐྱ་པཎ་ཆེན་དང༌། འཕགས་པ་རིན་པོ་ཆེ་དང༌། རྡོ་རྗེ་གདན་པའི་བྲག་ཐོག་པ་དྲན་པའི་དོན་ལ་ཅི་ཡང་མེད་པ་སོགས། དེ་རྣམས་ཀྱི་སྟེང་ནས་དམིགས་ཁྲིད་ལན་གཉིས་ཐོབ་པའི་བརྒྱུད་པ་ནི། འཇམ་དཔལ་དབྱངས། རྗེ་བཙུན་བརྩེ་བ་ཆེན་པོ། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། ཆོས་རྗེ་ས་སྐྱ་པཎྜི་ཏ། འགྲོ་བའི་མགོན་པོ་ཆོས་རྒྱལ་འཕགས་པ། ཞང་དཀོན་མཆོག་དཔལ། བླ་མ་ན་བཟའ་བྲག་ཕུག་པ། དཔལ་ལྡན་བླ་མ་དམ་པ་བསོད་ནམས་རྒྱལ་མཚན། ས་བཟང་མ་ཏི་པཎ་ཆེན། ཐེག་ཆེན་ཆོས་ཀྱི་རྒྱལ་པོ། ལུང་རིགས་རྒྱ་