[A:32]མཁན་པོ་སྨོན་མཁར་བ་དང༌། ཁ་རེག་གི་མྱོས་ཆོས་ཀྱི་གཟི་བརྗིད་གཉིས། དེ་གཉིས་ཀ་ལ་ཀོ་བྲག་པ་བསོད་ནམས་རྒྱལ་མཚན། དེ་ལ་ཁམ་ཆེན་བྱང་ཆུབ་དཔལ། དེ་ལ་འཛིན་པ་རྒྱལ་མཚན་དཔལ། དེ་ལ་གངས་ཁྲོད་པའོ། །གཞན་ཡང་བརྒྱུད་པའི་རྣམ་གྲངས། ཀྱེ་རྡོར་ལུས་དཀྱིལ་དབང༌། ཞང་དཀོན་དཔལ། སློབ་དཔོན་ཀུན་དཔལ། ལོ་མཆོག །དཔལ་ལྡན་སེང་གེ །ཆོས་རྗེ་བླ་མའོ། །ཡང༌། ཆོས་རྗེ་བླ་མ། མཁན་ཆེན་ཤེས་རྡོར། ཆོས་སྒོ་བ། བྲག་ཐོག་པའོ། །ཡང༌། ལམ་ཟབ་བླ་མ། ཆོས་རྗེ་བླ་མ། དཀོན་མཆོག་བཀྲ་ཤིས། བྲག་ཐོག་པའོ། །ཡང༌། ཐམས་ཅད་མཁྱེན་པ་རྡོ་རྗེ་གདན་པ་ལ། འབྲི་ཁུང་མཁན་ཆེན་དང༌། ལྕང་ལོ་ཅན་པ་གཉིས། དེ་གཉིས་ཀ་ལ་འཇམ་དབྱངས་བྱང་ཆུབ་དབང་རྒྱལ་ལོ། །ཡང༌། ཐེག་ཆེན་པས། བིར་བསྲུང༌། ཀུན་མཁྱེན་གངས་པ་ལ་དང༌། མན་ངག་བཤད་མཛོད། ཆོས་རྗེ་བླ་མ་ཉིད་ལའང་གསན་ནོ། །འཇམ་དབྱངས་བྱང་ཆུབ་དབང་རྒྱལ་གྱིས། ལམ་ཟབ་བླ་མ་དང་བིར་བསྲུང་གཉིས་ཀྱི་བྱིན་བརླབས། རྗེ་ཐམས་ཅད་མཁྱེན་པ་ཆེན་པོ་ཉིད་ལའང་གསན་ནོ། །ཡང༌། ལམ་འབྲས་ཉེ་བརྒྱུད་ནི། རྣལ་འབྱོར་དབང་ཕྱུག་བིརྺ་པ། བླ་མ་ས་སྐྱ་པ་ཆེན་པོ་སོགས་སོ། །གཞན་ཡང༌། རྗེ་བཙུན་སྐུ་མཆེད། ཆོས་རྗེ་ཁུ་དབོན་སོགས་ནས། རྗེ་ཐམས་ཅད་མཁྱེན་པ་རྡོ་རྗེ་གདན་པ་ཆེན་པོ་ཉིད་དང་བཅས་པ་ལ། དཔལ་རྣལ་འབྱོར་གྱི་དབང་ཕྱུག་ཆེན་པོ་ཉིད་ཀྱིས་ཞལ་གཟིགས་ནས། ལམ་འབྲས་སོགས་དཀའ་གནད་རྗེས་སུ་གནང་བ་སོགས་ངོ་མཚར་ཡིད་ཆེས་ཁྱད་པར་དུ་འཕགས་པ་དང་ལྡན་པའོ། །ད་ནི་བཀའ་དྲིན་མཚུངས་མེད་དེ་ལས་ལམ་འབྲས་ཀྱི་ཡིག་ཆའི་ལུང་གི་རིམ་པ་ཐོབ་པའི་ཐོ་བཀོད་པ་ལ། རྗེ་བཙུན་ཆེན་པོས་བསྒྲིགས་པའི་ལམ་འབྲས་གླེགས་བམ་ལས། གླེགས་བམ་དཀར་ཆག །རྣམ་འགྲེལ་