R795: གོང་དཀར་བླ་མ་འཕྲིན་ལས་རྣམ་རྒྱལ་གྱི་གསན་ཡིག

« Title Page

Pagination (Witness A): 349

Last Page »

[A:349]གཉིས་ཀྱི་བསྡུས་དོན། འགྲེལ་པ་དག་ལྡན། གུར་རྒྱན། གུར་གྱི་བསྡུས་དོན། རྣམ་འཇོམས་ཀྱི་རྒྱུད་བཤད་ལོ་ཆེན་ལུགས། དེའི་ས་བཅད་རྣམས་ཀྱི་བརྒྱུད་པ་ནི། རྗེ་བཙུན་ཆེན་པོ། ས་པཎྜི་ཏ། ཞང་མདོ་སྡེ་དཔལ། འཇམ་སྐྱའོ། །བླ་མ་དཔལ་ལྡན་སེང་གེ །བླ་མ་དམ་པ། མཁན་ཆེན་ཤེས་རྡོར་ནས་གོང་བཞིན་ནོ། །༼ཀཱ༽ཡིག་གི་རྟགས་ཅན། ཨ་ར་པ་ཙ་ན་ལྷ་ལྔའི་སྒྲུབ་ཐབས། ཨ་ར་པ་ཙ་ན་ལྷ་ལྔའི་དཀྱིལ་ཆོག་ཡེ་ཤེས་སྣང་བའི་སྒྲོན་མ། རིགས་གསུམ་རིག་གཏད། ཕྱག་འཚལ་ཉེར་གཅིག་ལམ་གྱི་ཡན་ལག་དང་བཅས་པའི་བསྡུས་དོན། ཕྱག་འཚལ་ཉེར་གཅིག་གི་བསྡུས་དོན། ཕྱག་འཚལ་ཉེར་གཅིག་གི་རྣམ་བཤད་གསལ་བའི་མེ་ལོང་རྣམས་ཀྱི་བརྒྱུད་པ་ནི། རྗེ་བཙུན་རིན་པོ་ཆེ། བར་འདི་དཔྱད་དོ། །བླ་མ་ཐུབ་པ་མགོན། བླ་མ་ཨ་མོ་གྷ། མཁན་ཆེན་ཤེས་རྡོར་ནས་གོང་བཞིན་ནོ། །༼ཀི༽ཡིག་གི་རྟགས་ཅན། ངེས་བརྗོད་བླ་མའི་འཕྲུལ་འཁོར་བྲི་ཐབས། དྲིལ་བུ་རིམ་ལྔའི་ཊཱི་ཀ །ཚེས་བཅུའི་མཆོད་པ་བྱ་ཚུལ་རྣམས་ཀྱི་བརྒྱུད་པ་ནི། རྗེ་བཙུན་རིན་པོ་ཆེ། བར་འདི་དཔྱད་དོ། །བླ་མ་ཨ་མོ་གྷ། མཁན་ཆེན་ཤེས་རྡོར་

༼ནས་༽

གོང་བཞིན་ནོ། ། ༼ཁེ༽ཡིག་གི་རྟགས་ཅན། ཕྱག་འཚལ་ཉེར་གཅིག་གི་མངོན་རྟོགས་ལམ་གྱི་མན་ངག་དང་བཅས་པའི་བརྒྱུད་པ་ནི། རྗེ་བཙུན་ཆེན་པོ། ས་སྐྱ་པཎ་ཆེན། བྱང་ཆུབ་དཔལ། བདེ་བ་དཔལ། གྲགས་པ་གཞོན་ནུ། མཁན་ཆེན་བསོད་གྲགས་པ། བླ་མ་དམ་པ། མཁན་ཆེན་ཤེས་རྡོར་ནས་གོང་བཞིན་ནོ། །འདི་ལ་ཁི་འདུག་ཀྱང་ཁི་གོང་དུ་སོང་བས་ཁེ་འཐད་དོ། །༼ཁཱི༽ཡིག་གི་རྟགས་ཅན། སྒྲོལ་མ་མཎྜལ་བཞི་པའི་བརྒྱུད་པ་ནི། རྗེ་བཙུན་རིན་པོ་ཆེ། བར་འདི་སླར་དཔྱད་དོ། །མཁན་ཆེན་ཤེས་རབ་རྒྱལ་མཚན། གྲུབ་པ་དཔལ་བཟང་པོ། བླ་མ་བཟང་པོ་པ། བླ་མ་དམ་པ། མཁན་ཆེན་ཤེས་རྡོར་ནས་གོང་བཞིན་