R795: གོང་དཀར་བླ་མ་འཕྲིན་ལས་རྣམ་རྒྱལ་གྱི་གསན་ཡིག

« Title Page

Pagination (Witness A): 376

Last Page »

[A:376]པའང་འདུག །གཞན་ཡང་བརྒྱུད་སྲོལ་གཉིས་ཙམ་ཡོད།

ཡང་གུར་མགོན་ལྷ་གསུམ་སྦགས་བསྒྲུབ་ནི།

མགོར། ཨོཾ་སྭསྟི་སིདྡྷཾ། བླ་མ་དམ་པའི་ཞབས་ལ་གུས་པས་ཕྱག་འཚལ་ལོ། །དཔལ་ནག་པོ་ཆེན་པོ་ལྕམ་དྲལ་གྱི་མཆོད་གཏོར། ནས། འཕགས་པས་བྲིས་ནས་ཇིམ་གྱིན་ལ་ཕུལ་བའོ། །མཐའ་ཅན་དང༌། འདིའི་ལུང་ཐོས་པའི་བརྒྱུད་པ་ནི། རྡོ་རྗེ་འཆང༌། བྲམ་ཟེ་མཆོག་སྲེད། བདེ་བའི་རྡོ་རྗེ། ཤྲདྡྷ་ཀ་ར་ཝརྨ། ཇོ་བོ་རིན་ཆེན་བཟང་པོ། བྲག་སྟེང་པ་ཡོན་ཏན་ཚུལ་ཁྲིམས། མལ་ལོ་བློ་གྲོས་གྲགས་པ། ས་ཆེན། སློབ་དཔོན། རྗེ་བཙུན། པཎ་ཆེན། འཕགས་པ་རིན་ཆེན་ཡན་བསྙེན་སྒྲུབ་ལས་གསུམ་བཞིན་དང༌། འཕགས་པ་རིན་པོ་ཆེ་མན་ཀྱང་འདྲ་བ་ལས། བླ་མ་རྣམ་རྒྱལ་བཀྲ་ཤིས། སློབ་དཔོན་རྡོ་རྗེ་བློ་གྲོས། རྡོ་རྗེ་འཆང་ཚུལ་ཁྲིམས་བཀྲ་ཤིས། དེས་བདག་ལའོ། །འདི་ཙམ་གྱིས་ཀྱང་སྐབས་ཀྱི་དོན་གྲུབ་འགྱུར་གྱི། མཐའ་ཅན། བསྟོད་འབུམ་ཞབས་བཏགས་མ། གུར་གྱི་མདོས་ཆོག་གནམ་ལྕགས་འབར་བ། མགོན་པོ་རྣམ་རོལ་ལ་མཁོ་བའི་ཐིག་རྩ་སྨྲས་སོའི་མཐའ་ཅན། གྲི་གུག་ལྷ་ལྔ་ཐུན་མོང་མིན་པའི་ཟུར་འདེབས་ཞལ་བཞི་པའི་གཏོར་ཆེན་དང་པུ་ཏྲ་མིང་སྲིང་རུ་འདྲེན་དང་བཅས་པའི་འཆམ་ཡིག་ལག་ལེན་ལ་འདྲིས་པར་བྱའོ། །མཐའ་ཅན། དེ་དག་གི་ལུང་ཐོས་པའི་བརྒྱུད་པ་ནི། མཛད་པ་པོ་ཐམས་ཅད་མཁྱེན་པ་སྔགས་འཆང་འཇིགས་མེད་དཔའ་བོ། ཐུགས་སྲས་ཀུན་དགའ་རྒྱལ་པོ། བླ་མ་བསོད་ནམས་མཆོག་ལྡན། དེ་གཉིས་ཀར་སྔགས་འཆང་ཚེ་དབང་བཀྲ་ཤིས། ཚར་ཆེན་བློ་གསལ་རྒྱ་མཚོ། རྗེ་མཁྱེན་བརྩེའི་དབང་ཕྱུག །རྗེ་དབང་ཕྱུག་རབ་བརྟན། བཀའ་འགྱུར་བ་མགོན་པོ་བསོད་ནམས་མཆོག་ལྡན། རྡོ་རྗེ་འཆང་ཚུལ་ཁྲིམས་བཀྲ་ཤིས། དེས་ཕྲིན་ལས་རྣམ་རྒྱལ་ལ་སྩལ་ལོ། །

གཉན་མགོན་གྱི་སྒྲུབ་བསྐོར་ཕྲན་