R795: གོང་དཀར་བླ་མ་འཕྲིན་ལས་རྣམ་རྒྱལ་གྱི་གསན་ཡིག

« Title Page

Pagination (Witness A): 35

Last Page »

[A:35]མཁའ་འགྲོ་ལྔ་མཉེས་པར་བྱས་ལ་ཞེས་བྲིས་པ་ཤོག་འདེབས་གཅིག་ལྷག་ཙམ་ཡོད་པ་གཅིག་འདུག་པ་དེ་རྣམ་དག་ཡིན་ལ། གླེགས་བམ་ལ་ལར་དེ་བས་རྒྱས་པ་ཤོག་བུ་གསུམ་བཞི་ཙམ་ཡོང་གི་འདུག་པ་དེ་མིན་ནོ་སྙམ་དུ་སེམས་སོ། །དེས་ན་རྡོ་རྗེ་གདན་བླ་བྲང་གི་པོ་ཏི་རྣམ་པར་དག་པ་ཁོ་ནའོ། །འདིར་ལེགས་པར་དཔྱད་ན་ལུང་སྦྱོར་རྣམས་ཀྱི་ཁ་ཡིག་དང་མཇུག་དབྱུང་ནོར་བའི་གླེགས་བམ་མང་དུ་འདུག་པར་རྟོག་དཔྱོད་ཞིབ་པར་འཚལ་ལགས། དེ་ཡང་ལུང་སྦྱོར་གང་གི་མགོ་ན། སྤྱིར་ལམ་དང་འབྲས་བུ་ཐམས་ཅད་ཚད་མ་བཞི་དང་ལྡན་ཡང༌། ཞེས་ཡོད་པ་དེ་ལུང་འདི་ཉིད་དང་སྦྱར་བ་མདོར་བསྡུས་ཡིན་པས། མཐའ་དག་དང་མདོར་བསྡུས་ཞེས་བྲིས་པ་ནོར། རྗེ་བཙུན་རིན་ཆེན་དམ་པའི་གསུང་གང་ཞིག །ཅེས་ཡོད་པ་དེ་མཐའ་དག་དང་མདོར་བསྡུས་ཡིན། འབྲོག་རང་གིས་མཛད་པར་ཡང་གྲགས། འདི་གླེགས་བམ་དུ་ངེས་པར་ཚུད་དགོས། རྩེ་ཆེན་གང་གི་བློ་གྲོས་ཀྱིས། །ཞེས་སོགས་ཡོད་པ་དེ་རྩེ་མོས་མཛད་པ་འདི་ཉིད་དང་ཞིབ་ཏུ་སྦྱར་བ་ཤིན་ཏུ་རྒྱས་པ་གུད་ན་བཞུགས་པ་ཡིན་པ་ལ། འདི་གླེགས་བམ་ཁྲོད་དུ་བྱས་ནས། མདོར་བསྡུས་ཀྱི་ཁ་ཡིག་བྱས་པ། གྲགས་པའི་དཀར་ཆག་དང་འགལ། དེ་བས་ན་ལ་ལས་རང་བཟོ་ལ་གནོད་པས་བཅོས་བསླད་བྱས། ལ་ལས་ཁུངས་མ་ཆོད་པའི་སྣ་ཚོགས་སྤུ་ཚོགས་མང་དུ་འདུག་པས། རྗེ་པའི་དཀར་ཆག་དང་ཡང་བསྟུན་ནས་རྟོག་དཔྱོད་ཞིབ་པར་གནང་བ་ཞུ། ༈ ད་ནི་ཕྲ་མོའི་གླེགས་བམ་ལས་ལུང་ཐོབ་པ་ལ། གགས་སེལ་བཀའ་རྒྱ་མ། ཉམས་ཆེན་མ། གསང་བདུན་མ། ཀྱེ་རྡོར་ལུས་དཀྱིལ་དབང་ཆོག་

འདི་ལ་ཡབ་ཀྱི་བྱིན་བརླབས་ཟེར་རམ་བརྟག་གོ་

རྣམས་ས་ཆེན་གྱིའོ། །རྩེ་མོའི་ལུང་སྦྱོར་གླེགས་བམ་ཁྲོད་དུ་སོང་ངོ༌། །ལམ་འབྲས་བརྒྱུད་པའི་གསོལ་འདེབས་དང་དགའ་སྟོན་ལ་གདམས་པ་གཉིས་གྲགས་