[A:392]ནམ་མཁའ་དཔལ་བཟང༌། མཁན་ཆེན་དཔལ་ལྡན་དོན་གྲུབ། བཀའ་འགྱུར་བ་མགོན་པོ་བསོད་ནམས་མཆོག་ལྡན། མཁན་ཆེན་རིན་ཆེན་བསོད་ནམས་མཆོག་གྲུབ། དེས་ཕྲིན་ལས་པ་ལའོ། ༈ །བདེ་བར་གཤེགས་པའི་བསྟན་པའི་གསལ་བྱེད་ཆོས་ཀྱི་འབྱུང་གནས་གསུང་རབ་རིན་པོ་ཆེའི་གཏེར་མཛོད་ཀྱི་ལུང་བརྒྱུད། ཀུན་མཁྱེན་བུ། ཐུགས་སྲས་རིན་ཆེན་རྣམ་རྒྱལ། ནོར་བཟང་རིན་ཆེན། བཀའ་བཞི་པ་རིན་ཆེན་རྒྱལ་མཚན། མཁྱེན་རབ་ཆོས་རྗེ་མན་བདེ་མཆོག་ཆོས་འབྱུང་ལྟར་རོ། །བུ་སྟོན་སྙིང་གི་ཐུར་མའི་ལུང་བརྒྱུད་དང༌། རྒྱུད་འབུམ་དཀར་ཆག་དང༌། བཀའ་འབུམ་དཀར་ཆག་རྣམས་ཀྱི་ལུང་བརྒྱུད་ནི། གོང་མ་མ་རྙེད། བྱང་གླིང་པ་བཀྲ་ཤིས་རྒྱལ་མཚན། ཀུན་དགའ་བཀྲ་ཤིས། རྗེ་དཀོན་མཆོག་རྒྱལ་མཚན། མཁན་ཆེན་པུཎྱ་ཞབས། རྡོ་རྗེ་འཆང་རིན་ཆེན་ཆོས་ལེགས་བསྟན་པའི་རྒྱལ་མཚན། དེས་བདག་ཕྲིན་ལས་རྣམ་རྒྱལ་ལ་དགྱེས་པ་ཆེན་པོས་སྩལ་ལོ། །འདུལ་བའི་ཞེ་ས་དགུ་ཕྲུགས་ཀྱི་ལུང་ཐོབ་པའི་བརྒྱུད་པ་སླར་འཚོལ། ༈ ཐུགས་སྲས་རིན་ཆེན་རྣམ་རྒྱལ་གྱིས་མཛད་པའི་རྣམ་སྲས་གཏོར་ཆོག་དགོས་འདོད་འབྱུང་བའི་ཞལ་ཤེས་ཀྱི་ལུང་མཁན་ཆེན་ཞ་ལུ་པར་ཐོས། ༈ སྐུ་ཞང་མཁྱེན་རབ་རིན་ཆེན་མཆོག་གྲུབ་ཀྱི་བཀའ་འབུམ་གྱི་ཁྲོད་ནས་ལུང་ཐོབ་པའི་ཆོས་ཀྱི་རྣམ་གྲངས་ལ། སེམས་ཉིད་ངལ་གསོའི་བརྒྱུད་པའི་གསོལ་འདེབས། བདེ་མཆོག་ལཱུ་ཧི་པའི་རྫོགས་རིམ་བརྒྱུད་འདེབས། ནག་པོ་རིམ་བཞིའི་བརྒྱུད་འདེབས། དྲིལ་བུ་ལུས་དཀྱིལ་དབང་བཀའི་བརྒྱུད་འདེབས། དྲིལ་བུ་རིམ་ལྔའི་བརྒྱུད་འདེབས། བདེ་མཆོག་དཀར་པོའི་བརྒྱུད་འདེབས། ནི་གུ་ཆོས་དྲུག་བརྒྱུད་འདེབས། སུ་ཁ་ཆོས་དྲུག་བརྒྱུད་འདེབས། དམར་ཁྲིད་བརྒྱུད་འདེབས། ཕྱག་དྲུག་པའི་བརྒྱུད་འདེབས། རྗེ་