[A:52]བྱེད་ས་ཆེན་གྱི་ཡིན་ནམ་སྙམ་མོ། ༈ །ཨིནྡྲ་བྷུ་ཏིའི་ཕྱག་རྒྱ་ལམ་རྫོགས་ཀྱི་བརྒྱུད་པ་ནི། མཐར་ཐུབ་ཕོ་ཉ་གྲུབ་པ་རྡོ་རྗེ་འཆང༌། །ཡེ་ཤེས་ཕོ་ཉ་གྲུབ་པ་བདེ་ཆེན་པོ། །དེ་སྟོབས་མཐར་ཕྱིན་ཨིནྡྲ་བྷུ་ཏིའི་ཞབས། །དེ་ཉིད་ཕོ་ཉ་གྲུབ་པ་ཚངས་པའི་ཞབས། །དེ་ཉིད་ཕོ་ཉ་རབ་མཆོག་བྲམ་ཟེ་མོ། །དེ་ཡི་ནུས་པ་མཐར་ཕྱིན་ཨིནྡྲ་བ། །གསང་ཆེན་ཕོ་ཉ་གྲུབ་པ་གོས་བྲལ་ཞབས། །དེ་ཡི་རྩ་ལག་མཐར་ཕྱིན་ཛྙཱ་ན་པ། །ནང་གི་ཕོ་ཉ་གྲུབ་པ་དཔལ་འབྱུང་བ། །དེ་མཐུ་མཐར་ཕྱིན་པདྨ་བཛྲ་དང༌། །ཕྱི་ཡི་ཕོ་ཉ་གྲུབ་པ་ཧེ་རུ་ཀ །དེ་ཡི་ཡན་ལག་མཐར་ཕྱིན་པདྨའི་ཞབས། །བུང་བའི་པདྨ་ལྷ་མོ་ཕོ་ཉ་མཆོག །མྱུར་མགྱོགས་ཕོ་ཉའི་མཚན་ལྡན་ལཀྵྨི། །ཕོ་ཉ་ཀུན་སྡུད་ཨིནྡྲ་བྷཱུ་ཏི་བ། །ཕོ་ཉའི་ལམ་སྦྱངས་རཏྣ་བཛྲ་ཞབས། །ཕོ་ཉའི་མན་ངག་མཁས་པ་ཤེར་བཟང་པ། །ཕོ་ཉ་ཤིང་རྟའི་སྲོལ་འབྱེད་འབྲོག་མི་བ། །དེ་མན་གོང་དང་འདྲ། ཉེ་བརྒྱུད་ནི། རྡོ་རྗེ་འཆང༌། ཨིནྡྲ་བྷཱུ་ཏི། ལྕམ་ལཀྵྨི་ཀ་ར། རིན་ཆེན་རྡོ་རྗེ། ཤེས་རབ་བཟང༌། འབྲོག་མིའོ། །འདི་རྒྱ་གཞུང་རང་ཡིན་ནོ། ༈ །སློབ་དཔོན་ཏོག་ཙེ་པའི་བསམ་མི་ཁྱབ་ཀྱི་གསལ་བྱེད་ས་ཆེན་གྱིས་མཛད་པའི་བརྒྱུད་པ་ནི། འབྲས་བུ་བསམ་གྱིས་མི་ཁྱབ་རྡོ་རྗེ་འཆང༌། །སྤངས་པ་བསམ་གྱིས་མི་ཁྱབ་རྟ་མཆོག་པ། །རྟོགས་པ་བསམ་གྱིས་མི་ཁྱབ་བི་ན་པ། །བྱང་ཆུབ་བསམ་གྱིས་མི་ཁྱབ་ཨིནྡྲ་པ། །ཡེ་ཤེས་བསམ་གྱིས་མི་ཁྱབ་ལཀྵི་པ། །གསང་བ་བསམ་གྱིས་མི་ཁྱབ་སྒེག་པའི་ཞབས། །བྱིན་བརླབས་བསམ་གྱིས་མི་ཁྱབ་གུན་དྷེ་རི། །རླུང་སེམས་བསམ་གྱིས་མི་ཁྱབ་པདྨ་པ། །ལྟ་བ་བསམ་གྱིས་མི་ཁྱབ་ཆོས་ཀྱི་པ། །སྤྱོད་པ་བསམ་གྱིས་མི་ཁྱབ་བཟང་པོའི་ཞབས། །སྒོམ་པ་བསམ་གྱིས་མི་ཁྱབ་ཏོག་ཙེ་པ། །ཐབས་ལམ་བསམ་གྱིས་མི་ཁྱབ་གུ་ཤ་ན། །གདམས་ངག་བསམ་གྱིས་མི་ཁྱབ་པདྨ་པ། །ཏིང་འཛིན་བསམ་གྱིས་མི་