[A:240]ngang tshul bzang po/ 'khrul zhig tshul khrims rgyal mtshan/ bla ma blo gros bzang po/ sku zhang mkhyen/ zha lu lo tsA/ sa lo/ dkon mchog lhun grub/ nam mkha' dpal bzang / sa chen kun dga' bsod nams gyi zhabs drung du seng gdong sngon mo mi mgo skam rlon rus rgyan yod pa gcig zhus/ ! seng gdong ma dmar mo rjes gnang dus Da ma ru grol zhing byin rlabs thob pa'i brgyud pa ni/ seng gdong ma/ rdo rje gdan pa/ ba ri lo tsA ba/ ra sa chos grags/ bla ma don yod rdo rje/ paN chen nags kyi rin chen/ lo tsA ba manydzu shrI/ rje bsam grub rgyal mtshan/ mkhas btsun A nanda dhwa dza/ rje nor bu phun tshogs/ rje lha dbang blo gros/ ngor pa sangs rgyas seng ge /thar rtse nam mkha' dpal bzang / rtse gdong khri chen kun dga' bsod nams lhun grub/ sa chen kun dga' bsod nams/ des bdag go ! /nor can gyi rigs rgyal po rnam thos sras kyi rjes gnang dang chos skor la/ 'dul ba lung las/ rgyal chen bzhi po sngon mkha' lding sgra snyan dang sgra chung / klu dbugs dang dbugs chen du gyur pa bzhi kas sangs rgyas 'od srung la bslab bzhi gzung / rgyal ba shAkya thub pa'i bstan pa la 'jig rten skyong bar smon lam btab/ rgyal po chen po rnam mang thos pa'i sras 'di nyid kyi gzi brjid ma bzod par lha min gyi dpung phyir log pas lha rnams ngal bsos pas ngal bsos po dang / lha min gyi g.yul bshams pa'i tshe seng ge khros pa la bzhon nas bsrungs pas gnas srungs po dang / dug sbrul chen por sprul nas lha min dbang po rab rgod kyi dmag rnams myos par byas pas lung ngan po zhes mtshan gyi rnam grangs mang po des mu stegs kyi sprang po nyi ma'i dngos grub sogs bsgral bas mthu