[A:252]rnal 'byor drug po yis/ /gnas skabs kun tu lam gyis zin par shog /bla ma mchog dang dbyer med 'phags pa'i zhal/ /mngon sum ston ka'i zla dbang ltar mthong zhing / /po ta la dang bde ba can sogs su/ /bdag dang 'gro rnams thogs med bgrod par shog /ces dmar khrid tshem bu lugs kyi bla ma brgyud pa'i gsol 'debs/ lam gyi rim pa'i smon lam mdor bsdus dang bcas pa 'di yang rnal 'byor pa tshar pa blo gsal rgya mtshos gangs can gyi ri bo'i po la gnas tshe rang gi bsam gtan gyi khang bur sbyar ba 'gro ba la phan par gyur cig
'di'i kun bzang bla ma nas mgon po'i mtshan gyi bar rgyal dbang blo bzang rgya mtsho'i gsung / gsang sngags gsar rnying sogs tshig rkang gsum bdag rang gi'o/ /
! yang / thugs rje chen po'i dmar khrid tshem bu lugs nA lendra rje bco brgyad pa la thob pa'i brgyud pa ni/ rdo rje 'chang / rdo rje rnal 'byor ma/ bla ma gnyan dar ma 'od zer/ gnyan la slob ma'i mchog drug yod pa'i nang nas/ spyi bo lhas chen po byang chub 'od/ brag dmar ba byang chub tshul khrims/ dgon gsar ba bsod nams snying po/ kun spangs thugs rje brtson 'grus/ bla ma brag kha ba dang / rin chen dpal bzang gnyis kyis zhus/ de gnyis la/ bla ma dam pa bsod nams rgyal mtshan/ thugs sras rin chen rnam rgyal/ gangs chen pa kun dga' dpal/ bka' bzhi pa rin chen rgyal mtshan dpal bzang / mkhyen rab rin chen mchog grub/ kun mkhyen shAkya don grub/ kun dga' legs grub/ kun dga' chos grags/ mchog legs rdo rje/ mkhyen rab bstan 'dzin bzang po/ thugs rje'i bdag nyid byams pa ngag dbang lhun grub/ des bdag go ! /grub chen mi tra dzo ki'i thugs kyi bcud 'phags pa thugs rje chen po'i bskyed