[A:273]g.yeng bas lus pa yul mang por 'phel zhing / de la ma tshang ba dang ma dag pa byung bas bram ze'i btsun pa yon tan 'od kyi 'dul ba'i rnam bshad kyi zhu ba las 'di skad byung ngo zhes dgos gnas su yang yang bkod cing / de'i phyir 'phags pa nye bar 'khor gyis zhus pa kha che ba zhes bya ste zhes 'byung bas zhu ba rdzogs pa dang bcas pa'i gzhung dam pa ni yang dag par bsdus pa'i gzhi po nyams pas ma dag cing sngar gsung rab rnams mer bsregs pa'i dus thal ba'i khrod nas rnyed par grags pa'i dang po'i gzhung ma nyams pa yul dbus kyi dge slong 'ga' zhig gi blo la snang ba 'phags pa'i gnas brtan chen po rnams dang sde snod 'dzin pa'i mkhas pa mang pos dbus 'gyur 'chang du gtogs pa'i grong khyer chen po bcom brlag tu bsdus pa'i lung zhu ba ma rdzogs pa 'di dag pa yin la/ de'ang gangs ri'i ljongs su 'gyur ro cog gi lung sde bzhi'i bzhugs tshul la snyigs dus kyi thams cad mkhyen pa bu ston rin po che sogs mkhas pa mang dag gis pha'i so thar mdo'i tshig gi 'grel pa pha'i rnam 'byed yin pas dang por pha'i so thar dang rnam 'byed/ de nas ma'i so thar dang rnam 'byed/ de nas so thar mdo'i don gyi 'grel pa lung gzhi/ de gnyis kyi kha skong ba phran tshegs/ de dag gi don zhus lan gyis gtan la 'bebs pa lung zhu ba'am gzhung bla mar mdzad nas rgyal rtse them spangs ma sogs go rim de ltar yod/ thams cad mkhyen pa rdo rje gdan pa'i gsan yig tu rtsa ba'i lung dge slong pha ma'i so thar gnyis/ de nas lung sde gzhi'i dang po lung gzhi/