[A:54b-298] dpon slob phrong khrod du gdan 'dren zhus/ bdag chen rgyal bu rgyal srid du gsol te/ rje drung gtso bor gyur ba'i tshogs sde chen po rnams kyis rab gnas rgyas pa gnang/ dus der tshogs pa la spyi 'bul/ dngul gyi maNDal khru skor ba rin po che nal/ g.yu'i 'phrad bkod pa 'jog rgyan dang bcas pa/ dge 'dun so so'i phyag tu gser zho phyed ma'i gral 'gyed/ rje nyid du'ang 'bul nod rgya che ba gnang/ skabs der chos sde chen po'i dgun chos thog/ bde yangs pa'i slob dpon chos ldan pa dang/ de'i slos chung/ phyis gong dkar zil gnon pa'i slob dpon dang/ chos sde chen po'i gdan sa yang mdzad pa chos rje sangs rgyas rgya mtsho ba sogs la mngon pa kun la btus kyi bshad pa/ lung ston pa kA lA pa'i mtshams sbyor/ dus 'khor bsdus rgyud 'grel pa dang bcas pa sa ris kyis gtan la 'bebs dgos pa sogs gnang zhing/ gzhan chos 'chad bshes gnyen 'dus pa rgya mtsho la dbang lung man ngag mtha' yas pa dang/ khyad par thugs rje chen po'i bka' 'bum gyi lung gnang pa na me tog gi char bab pas ngo mtshar zhing bla ma yi dam pa la dad mos su gyur to/ /de nyid du rig pa 'dzin pa sngags la spyod pa'i rnal 'byor la 'dus pa ni/ mi'i dbang po don yod rdo rje'i gsang ba'i bla ma rig 'dzin chen po nam mkha' rin po che khu dbon/ de'i yab tshan