[A:6b-202] po'i chos kyi rgyal srid du dbang bskur zhing lugs gnyis kyi dbang phyug chen por gyur te/ phyis me ser dang gser sdings gnyis su re mos kyis bzhugs/ slar dgung lo gya gcig pa mya ngan las 'da' bar tshul bston pala nye ba'i tshe/ "nga ni 'di nas ma dag skye ba med/ nga yi brgyud pa bdun gyi bar du ni/ rdor dril 'dzin pa tsam gyis 'gro ba sgrol/ khyad par bdun pa nga bas lhag pa 'byung/ bdun phrag bcu dang gnyis kyi lo yi bar/ skal ldan gdul bya mang po smin grol 'god/" ces rjes 'jug gi brgyud pa rnams kyi lung bstan gsungs shing/ dpal kun tu bzang po'i pho brang du zhing 'pho ba'i tshul bstan/ gdung zhugs la phul bas/ dbu thams cad la rgyal ba rigs lnga 'bur dod/ tshems la thugs rje chen po sogs ngo mtshar ba'i rten bsam gyi mi khyab pa bgrang ba las 'das pa byon pa'i grub thob chen po de'i gdung gi rigs la ji ltar lung bstan pa bzhin gyi gdung brgyud bdun par rje 'di nyid sku 'khrungs pa'i/ yab ni sa la spyod pa'i sems dpa' chen po ra skyes zhes bya ba ngo mtshar ba'i yon tan du ma dang ldan pa ngag gi rdo rje 'grub pa zhig yin te/ de nyid kyis yul mi rnams kyi bla ma dang rtsis mkhan mdzad pas dkar phyogs kyi gza' skar dang/ bya byed kyi spang blang rje
ba sogs la ngan pa dgu 'dzom lta bu'i gza' skar yod pa'i tshe