[A:82b-354] mtshan gyi chag bsags pa 'dur bas 'grig pa byung te/ da ni mnyel gzhi cung zad kyang med par dngas par gyur to ces gsol/ de dus tshogs pa rnams zhal bzhugs mi bzhugs tshom mer yod pa la/ bdag cag rnams zhal mjal bar spro bas ci nas kyang brtse ba chen pos bka' drin stsal dgos shes gsol ba btabs pas/ khrums kyi dkar phyogs kyi dga' ba dang po la phyi'i sku mtshams kyi ra ba bcad/ skyed mos tshal gyi rab gsal phyi nas sig skas btsugs te/ tshogs pa rnams dang mjal ba gnang/ zhabs drung du/ dbu mdzad chen mo rgyal ba don grub pas/ da len gyi mnyel babs lci ba de lta bu yun la ma ltos par myur du dngas pa 'di grub pa mchog mngon du gyur pa'i rtags kho na'o zhus/ dbu mdzad kun seng pas kyang/ mnyel babs de lta bu las grol ba sku tshe'i 'phen pa dang thugs rje'i mthu brtas pa las yin zhes zhus pas/ bka' las/ de khyed bden/ nad 'og de las thon pa las ma zad pa yin/ dbu mdzad chen mo ba la/ khyed la jo bo bzang ba'i mthong chen po cig yod na'ang/ da ni phye gtor mkhan pos byung 'dug gsung sku rtsed kyi tshul du snang/ de dus zhal ta'i khur len dbon po bsod che ba yin pas/ de nyin