[A:92a-373] / /tshul nyid dang/ dge slong nyid dag gis snga ma bsnyen par rdzogs pa la phyi ma mi bya'o zhes gsungs pa ltar/ la la dag la tshig snga ma dag dang/ la la dag la tshig gsum gyis nod pa'i bsnyen par rdzogs pa nod pa sogs bstan pa la gces spras su mdzad pa'i rnam par thar pas dus 'da'/ zla ba bzhi pa'i nang du nub cig mnal lam du/ dpa' bo mkha' 'gro'i tshogs kyi bsu ba'i bkod pa byung tshul gyi bka' phebs pa la rten/ mi dbang gis bka' bkod gnang/ chos rje dar lung pa dpon slob dang/ chos rje mon gdong pa sogs kyis mkha' 'gro bsu bzlog/ rdo rje slob dpon gyi brtan bzhugs sogs legs par phul bas mtshan ma de dag rang dngas su song/ slar yang lo mang po zhig gi snga rol nas kho bo dang nye gnas gnyis lo 'di tsam zhig gi bar du lhan du sdod pa yin zhes gsung zhing/ de bar la sus phra ma bcug kyang de'i dbang du mi gtong gsung ba phebs/ legs par rtsis na/ rje nyid dgung lo re bdun re brgyad kyi mtshams su dag pa'i zhing la thegs pa 'dra bsam pa shar byung/ rjes su nye gnas pa nyid zla ba lnga pa'i tshes brgyad la mi rtag pa'i tshul bstan pa dus 'grig pas/ de lta