[A:94b-378] pa rim par bsko ba'ang gnang ngo / /de nas rin po che brag lcog pa'i zhal snga nas/ dpon sa gong ma khu dbon gyi bla mar mnga' gsol te chos kyi bdud rtsis mnyes par mdzad pa sogs/ rje nyid kyi phrin las kyi sgo'i rnam par thar pa kho nar gyur to/ /der bzhugs thog/ bde chen yangs pa can nas dbon po rdor rgyal ba'i zhu yig thams mkhyen pa spyan snga rin po che sku cung zad rten pa las/ dbung gtsang gi tshogs sde bzhis gtso mdzad chos sde chen po rnams su sku rim gyi mang ja 'gyed bcas sogs bsam gyi mi khyab pa sgrub tshul dang/ rje drung nyid nas kyang zhabs brtan pa'i rten 'brel sgrig pa gnang dgos pa'i zhu mchid phul ba la/ mtshan de'i tho rangs kyi char bdag gis sgron me btegs te phul ba na/ da lta kho bo'i rmi lam shin tu brag gzar mal 'dzegs pa lta ci smos/ blta bar yang mi bzod pa cig la kho bos 'dzegs te phyin pa na thang shin tu bde zhing yangs pa lha'i 'dug gnas lta bu'i dbus na/ rje btsun thams cad mkhyen pa khri rin po che'i lhun stug pa'i steng na lha nge lha mer bzhugs pa snyam byed pas/ sku shin tu nyen pa snyam byed kyang brtan bzhugs phul ba tsam gyi bsnyun gyi rnam pa rang dngas su 'gyur bar nges snyam zhes bka' phebs/ da lta snag shog long la/ brtan bzhugs su gsol ba 'debs pa 'di bzhin du bris