[A:10a-209] / /pa nas tshangs par spyod pa 'ba' zhig la nan tan du mdzad pa'i dbang las/ rab tu byung ba kho na la thugs rnags par gyur te/ thar pa rin po che la ma la ya'i skyed mos tshal lta bu dang/ khyim gyi gnas me 'obs lta bur gzigs bzhin pas/
Novice vows and teachings from Rab 'byor seng geshing pho spre'u'i lo dgung lo bcu bzhi bzhes pa'i tshe/ dpal 'byor bye bas legs par 'byor ba'i rgyal po'i pho brang rgyal chen gling du/ ma byon pa'i sangs rgyas gsum pa rab gsal rgyal po'i rnam par 'phrul ba kha che'i paNDi ta chen po shAkya shrI bha tra'i ring lugs 'dzin pa/ ljongs 'di'i rgyal ba'i bstan pa mtha' dag gi phyi mo tshogs sde chen po dge 'dun sgang pa'i 'dus pa rgya mtsho'i grwar zhugs/ 'phags pa'i gnas brtan yan lag 'byung gi sprul pa mkhan chen 'dul ba 'dzin pa chen po rab 'byor seng ge'i drung du rab tu byung ste/ tshigs snga ma dge tshul gyi sdom pa bzhes/
dam pa'i chos 'dul ba las byung ba'i kun du spyod pa la bag yod pas bslab pa rin po che sku srog gi zung las kyang gces par gzung te/ ltung ba'i gnas shin tu phra mos kyang ma gos par mdzad/ mkhan po de nyid kyis dgyes pa rdo rje'i dkyil 'khor du dbang gnod/ gsang mtshan rnam snang rdo rjer gsol/ dbang dus kyi lhan cig skyes pa'i ye shes mngon sum du mdzad/