[A:16b-222]srin po rir bzhugs pa dang 'grig/ der dgongs pa la snga mo nas spyir srin po ri 'di bde mchog gi pho brang du grags pa dang/ khyad par kha che'i paNDi ta chen pos chos kyi 'khor lo grangs med pa bskor zhing/ gtsug lag khang legs par bzhengs te/ thugs dam gyi rten rang byon sogs ngo mtshar ba'i dpal yon can gyi gnas chen po yin pas mjal 'dod yod pa dang/ dpon slob bzhugs pa dang rten 'brel rang 'grig tu byung bas ji ltar bsams pa'i don rnams bde blag tu 'grub pa cig 'ong bar 'dug dgongs te/ thog ma kho nar mkhas pa'i dbang po dang mjal bas zhal gyis dkyil 'khor mngon sum du gyur pa tsam gyis sa la bzhugs pa'i bde bas mi mtshon pa'i thugs dad 'khrungs te/ dpon slob gnyis ga'ang phan tshun thugs yid gcig tu 'dres pa'i rnam pas dgyes pa'i rnam 'gyur du ma dang ldan par gyur/ de nas gtsug lag khang ngo mtshar can gyi rten rnams dang bcas pa mjal/ thos bsam la bar tu gcod pa mi 'byung zhing/ bstan pa dang sems can la phan pa rgya chen po 'byung ba'i smon lam rnam par dag pa mdzad/
de dusmkhas pa'i dbang po yang slob dpon la phebs 'phral yin pa dang/ khams tshan phal che ba yang gsang phu sogs la yod pa dang thug pas dpon slob bcu gcig bzhugs 'dug/ rjes su nged gnyis dang