[A:26a-241] / /mdun phrag gnyis kyi bar 'od gsal gyi ngang du mnyam par gzhag ste/ bcu dgu'i tho rangs thugs dam grol nas gdung zhugs la phul/ mya ngan las 'da' ba'i tshul bstan pa nas gdung mchod ma grol gyi bar thams cad nam mkha' 'ja' dang 'od kyi dkyil 'khor du snang zhing/ me tog sna lnga'i char rgyun 'bab pa sogs ngo mtshar ba'i ltas dang/ thugs ljags spyan gsum/ gdung yungs 'bru lta bu'i til gyis gang bu kha bye ba ltar brten bsam gyis mi khyab pa byon pa rnams ni ding sang mchod pa'i rten du bzhugs so/
Kun dga' legs pa invites Four Communities to sNe gdong for Dus 'khor teachings/de nas mi 'gyangs par sne gdong rtser/ gu ru chos dbang gi sprul pa gong ma mi'i dbang po kun dga' legs pa'i zhal snga nas kyis/ bstan pa'i rtsa lag dam pa tshogs sde bzhi spyan drangs pa'i dus rje nyid kyang phebs/ dbyar zla ba gsum zhal gyi bzhes te/ rnyed pa dang bkur sti rgya chen po nod/ sde bzhi'i mkhan po rnams gtso bor gyur ba'i tshogs sde rnams dang/ rtses thang sogs chos grwa chen po'i dge ba'i bshes gnyen grangs med pa rnams la/ zab pa gnyis su med pa dpal dus kyi 'khor lo'i dkyil 'khor yongs su rjogs pa bdag po chen po'i dbang dang bcas pa dang/ gzhan yang rdo rje phreng ba'i dbang/ kr-i ya sa mutstsha bde legs su byed pa'i dkyil 'khor gsum gyis kha skongs pa'i dbang dang/ dpal phag mo gru pa'i bka' 'bum sogs dbang