[A:26b-242] lung dpag tu med pa dang/ khyad par dpal dus kyi 'khor lo rtsa ba'i rgyud stong phrag bcu gnyis pa las phyung ba bsdus pa'i rgyud/ byang chub sems 'grel dang bcas pa'i bshad pa mdzad pa'i tshe/ 'khrul 'khor la sogs pa dpe bris su 'god par 'os pa rnams ras bris las legs par bsgrubs te/ jo nang 'gyur gsar phyogs mchan dang sgo bstun pa rnams g.yas phyogs su 'khod/ shong 'gyur bu mchan dang sgo bstun pa rnams g.yon phyogs la 'khod/ go la'i 'khor lo rnams so so'i bzhed pa bzhin stong skud la bsgrubs shing/ nyi zla gza' skar la sogs pa rnams kyang riin po che las legs par grub pa dang/ gzhan yang dngos su bsgrub rgyu byung ba zhi rgyas sogs las so so'i shel lam dngul sogs bum pa dang/ bgrang phreng sogs zhi ba la shel gyi phreng ba sogs nas/ rmongs rengs la bong bu'i so'i bgrang phreng gi bar rnams kyang dbyibs tshad dang grangs la sogs pa'i cha lag nges pa dngos kyi spyod yul du mdzad de/ gong ma chos kyi rgyal po'i phyag tu 'gyur ba gsar phyogs mchan dang/ sku gzhogs phan tshun du rwa 'gyur dang/ shong 'gyur bu mchan gnyis dge ba'i bshes gnyen de'i phyag tu bzhag nas 'gyur so so dang/ mchan gyi dgongs bzhed so so dpe bris kyi gtan la 'bebs par 'os dang bcas