[A:༡༠༨] གྱིས་སྨོད་པ་སོགས་གྲུབ་མཐའི་ཆགས་སྡང་མི་མཛད། ནང་དུ་ཉམས་རྟོགས་དང་། མངོན་པར་ཤེས་པ་སོགས་རྒྱ་ཆེ་བ་མངའ་ཡང་སྦས་པའི་ངང་ཚུལ་ལྟ་བུར་མཛད་དེ། དཔལ་གསང་བ་འདུས་པ་ལས། ཕྱི་རུ་ཉན་ཐོས་སྤྱོད་པ་སྐྱོང་། །
ནང་དུ་འདུས་པའི་དོན་ལ་དགའ། །
ཞེས་གསུངས་པ་ལྟར། ཕྱག་ལེན་དུ་བཏབ་པས། མདོ་སྔགས་རིག་གནས་དང་བཅས་པའི་གཞུང་ལུགས་རབ་འབྱམས་རྒྱ་བོད་ཀྱི་ཤིང་རྟ་ཆེན་པོ་རྣམས་ཀྱི་བཞེད་སྲོལ་ཇི་ལྟ་བ་བཞིན་དུ་སྨྲ་བའི་པཎྜི་ཏ་དང་། རྒྱུད་སྡེ་ནས་གསུང་བའི་ལམ་འཁྲུལ་མེད་བསྒོམས་པས་ཕྱག་རྒྱ་ཆེན་པོའི་ཡེ་ཤེས་དང་ས་ལམ་གྱི་ཡོན་ཏན་མཚན་ཉིད་པ་རྒྱུད་ལ་སྐྱེས་པའི་གྲུབ་ཐོབ་རྣལ་འབྱོར་གྱི་དབང་ཕྱུག་བསམ་གྱིས་མི་ཁྱབ་པ་ཞིག་བྱོན་པ་ཡིན་ནོ། །དེ་དག་གིས་བཤད་སྒྲུབ་མཛད་པའི་ཆོས་ཀྱི་རྣམ་གྲངས་དེང་སང་རྒྱུནརྒྱན་བཞུགས་པའང་། བསྟན་པ་རིན་པོ་ཆེའི་སྒོར་ཞུགས་པ་དང་། ཞུགས་པའི་རྟེན་དེ་དང་ཐོས་བསམ་བྱ་བའི་ཡུལ་གཉིས། དང་པོ་ནི། སོ་སོ་ཐར་པའི་སྡོམ་རྒྱུན། པཎ་ཆེན་ཤཱཀྱ་ཤྲཱི་ནས་འཇམ་དབྱངས་ས་པཎ་
ས་སྐྱ་ལྷ་ཁང་ཆེན་མོའི་སྡོམ་རྒྱུན་
སོགས་ནས་བརྒྱུད་པ་དང་། མཁན་ཆེན་རྡོ་རྗེ་དཔལ་སོགས་ནས་ཐམས་ཅད་མཁྱེན་པ་ཀུན་དགའ་བཟང་པོ་ཡབ་སྲས་ལས་བརྒྱུད་པའི་སྡོམ་རྒྱུན་ངོར་པའི་སྡོམ་རྒྱུན་
ཕྱག་ལེན་དང་བཅས་རྣམ་པར་དག་པ། གཉིས་པ་ལ་