[A:༡༡༦] གསེར་ཆོས་བཅུ་བཞི་གྲགས་ཤིང་། གསེར་ཆོས་སུ་གཏོགས་པ་ཚེ་དཔག་མེད་སྤྲུལ་སྐུའི་རྗེས་གནང་། གཉན་ལོའི་གསེར་ཆོས་ཛམ་བྷ་ལ་སུམ་བསྒྲིལ་གྱི་སྒོམ་ལུང་། ལྷ་མོ་དབྱུ་གུ་སྤུན་གསུམ་གྱི་མན་ངག་གི་ལུང་བཅས་སོ། །དཔལ་ས་སྐྱ་པ་ཡབ་སྲས་རྣམས་ལ་བསྟན་པ་སྲུང་བའི་མཚོན་ཆ་རྡོ་རྗེའི་ཆོས་སྲུང་རྒྱ་མཚོ་ལྟ་བུ་ཞིག་བཀའ་བབས་པ་ལས་གཙོ་བོར་གྱུར་པ་ནི་རྡོ་རྗེ་ནག་པོ་ཆེན་པོ་གུར་ཞལ་གཉིས་ཏེ། དེ་ཡང་གུར་གྱི་མགོན་པོའི་སྐོར་ལ་བཀའ་བབས་བཞི་ལས། ག་ཡ་དྷ་ར་ནས་བརྒྱུད་པ་༡་ལམ་འབྲས་ལུགས་ཀྱི་མགོན་རྐྱང་དང་། སྒྲུབ་ཐབས་བརྒྱ་རྩ་ནས་འབྱུང་བའི་བ་རི་ལུགས་ཀྱི་མགོན་རྐྱང་གཉིས་ཀྱི་རྗེས་གནང་། སོ་སོའི་མན་ངག་གི་ལུང་། ༣ཁ་ཆེན་པཎྜི་ཏ་ནས་བརྒྱུད་པའི་སྤུ་གྲི་སྐོར་གསུམ་གྱི་ལུང་། ཤིན་ཏུ་ཟབ་ཅིང་རྒྱ་ཆེ་བ་བླ་མ་མལ་ལས་བརྒྱུད་པའི་སྐོར་ལ། སྨིན་གྲོལ་རྒྱབ་བརྟེན་དང་བཅས་པ་ལས། ༤དང་པོ་ལ། དབང་བཀའ་མ་ནུབ་པ་དང་། རྗེས་གནང་བཀའ་མ་ནུབ་པ་གཉིས་ཀྱི་དང་པོ་ནི། མགོན་པོ་ལྷ་ལྔ། ལྷ་བརྒྱད། ལྷ་བཅུ་གཅིག་མ། ལྷ་བཅུ་བདུན་མ། གྲི་གུག་
འདི་ག་ཡ་དྷ་ར་ནས་བརྒྱུད་པ་ཡིན།
ལྷ་ལྔ་སྙན་བརྒྱུད་ལུགས་ཀྱི་དབང་བཅས་ལྔ། གཉིས་པ་ལ། ལྕམ་དྲལ། ལྷ་གསུམ། ལྷ་བརྒྱད་ཐུན་མོང་དང་། ཐུན་མོང་མ་ཡིན་པ། ངོར་ལུགས་ལྷ་བརྒྱད། ལྷ་བཅུ་གཉིས་མ་ཐུན་མོང་དང་། ཐུན་མོང་མ་